ქართული ოცნების დეპუტატის, ირაკლი ზარქუას განცხადებით, უკრაინის პრეზიდენტის ადმინისტრაციის უფროსის მრჩეველი "ერთი ჩვეულებრივი ვიგინდარაა". მისი აზირით, მიხაილო პოდოლიაკი "შემთხვევით მოხვდა ხელისუფლებაში".

"გამოვარდა თუ არ ვცდები პოდოლიაკია. ესეც, აი, ძაან უცნაურ მოვლენასთან გვაქვს საქმე რა. ადამიანი, მიხედე რა ომი გაქვს, უამრავი ადამიანი გეხოცება, უამრავი გამოწვევა აქვს უკრაინას და იცლიან და თან ერევიან საქართველოს შიდა საქმეებში და ამბობენ, რომ, აი, ხალხმა უნდა იმასქნას, ის არ უნდა იყოს — ვინ ეკითხება პოდოლიაკს? რას წარმოადგენს? ერთი ჩვეულებრივი ვიგინდარაა, პირდაპირ გეტყვით, რომელიც შემთხვევით მოხდა იქ ხელისუფლებაში, ისიც და კიდევ ბევრი სხვაც", — აცხადებს ზარქუა.

უკრაინის პრეზიდენტის ადმინისტრაციის უფროსის მრჩეველმა, მიხაილო პოდოლიაკმა ამერიკის ხმასთან მიცემულ ინტერვიუში განაცხადა, რომ საქართველო უცნაურად უყურებს უკრაინაში ომს, არ იკავებს მკაფიო და არაორაზროვან პოზიციას.

პოდოლიაკის ინტერვიუზე კომენტარი ბექა დავითულიანმაც გააკეთა. მისი აზრიც დიდად არ განსხვავდება ზარქუასაგან.