ევროკომისიის პრეზიდენტმა, ურსულა ფონ დერ ლაიენმა სანქციების მეექვსე პაკეტი წარადგინა. მისი თქმით, სანქცირებულთა სიაში იქნებიან ის სამხედრო ოფიცრები, რომლებმაც ბუჩაში ომის დანაშაულები ჩაიდინეს.

"ჩვენ ვიცით ვინც ხართ და თქვენ პასუხს აგებთ", — წერს ლაიენი.

მისივე თქმით, აპირებენ რუსული ნავთობის იმპორტის ეტაპობრივად გაუქმებას, რათა ზეწოლა რუსეთზე გაიზარდოს.

"ნათლად ვთქვათ, ეს არ იქნება მარტივი, მაგრამ ამაზე უნდა ვიმუშავოთ", — აცხადებს ევროკომისიის პრეზიდენტი.

მისივე თქმით, Sberbank სვიფტიდან უნდა გაირიცხოს, ამას გარდა, ევროკავშირში 3 რუსული მაუწყებელი, რომელიც პუტინის ტყუილებსა და პროპაგანდას ავრცელებენ, გაითიშება.