რობერტ პატინსონს ბეტმენის როლში გოთემსა და ეკრანებზე კიდევ ერთხელ ვიხილავთ — ამის შესახებ ინფორმაცია Warner Bros-მა დაადასტურა. მიუხედავად იმისა, რომ მეორე ფილმის შინაარსსა და გამოსვლის თარიღზე ჯერ არაფერი ვიცით, Warner Bros-ის მიხედვით, ბეტმენის მეორე ნაწილში პირველი ფილმის მსახიობებს ვიხილავთ.

ბეტმენში რობერტ პატინსონთან ერთად ზოი კრავიცი, კოლინ ფარელი, პოლ დანო, ენდი სერკისი და სხვები თამაშობენ. Batman 2-ს კვლავ მეტ რივსი გადაიღებს. რეჟისორის თქმით, ახალ ფილმზე მუშაობის შესაძლებლობა მისთვის ამაღელვებელია და ერთი სული აქვს, გოთემში დაბრუნდეს.

სავარაუდოდ, სხვა ვარსკვლავებთან ერთად ფილმში ბარი კიოგენის ჯოკერსაც ვიხილავთ. ცოტა ხნის წინ ინტერნეტში ბეტმენიდან ამოჭრილი 5-წუთიანი სცენა გავრცელდა, რომელშიც კიოგენის ჯოკერი პატინსონის ბეტმენს ესაუბრება. ჯოკერის პერსონაჟზე მინიშნება მხოლოდ ფილმის დასასრულს გვხვდება.

ამავე თემაზე: