გაფრთხილება: სტატია The Batman-ის შესახებ სპოილერებს შეიცავს.

მარტში მეტ რივზის ახალი ფილმის, The Batman-ის, პრემიერა შედგა, რომელშიც მთავარ როლს რობერტ პატინსონი ასრულებს. ფილმის ბოლოს ფსიქიატრიულ საავადმყოფოში მოხვედრილი რიდლერი უცნობ მეზობელს გამოელაპარაკა. მიუხედავად იმისა, რომ უცნობი ვერ დავინახეთ, მასში ბევრმა ჯოკერის პერსონაჟი მარტივად ამოიცნო.

ცოტა ხნის წინ ფილმის რეჟისორმა გულშემატკივრებს ფილმიდან ამოჭრილი 5-წუთიანი სცენა გაუზიარა, რომელიც ბეტმენისა და ჯოკერის შეხვედრას გვიჩვენებს. ჯოკერის როლს ირლანდიელი მსახიობი ბარი კიოგენი ასრულებს.

ბარი კიოგენი ისეთ ფილმებში თამაშობს, როგორებიცაა მარადიულები, დიუნკრიკი, The Killing of a Sacred Deer და სხვ.

როგორც ჩანს, ბეტმენმა ჯოკერს რიდლერის შესახებ კითხვებით მიაკითხა. მეტ რივზის თქმით, სცენა ფილმის დასაწყისში უნდა ყოფილიყო, თუმცა საბოლოოდ მისი ამოჭრა გადაწყვიტა.

ბევრი ფანი ახალ ჯოკერს საუბრისა და ქცევის მანერით ჰიტ ლეჯერის საკულტო პერსონაჟს ამსგავსებს, თუმცა ახალ ვერსიაში ბოროტმოქმედს მეტი იარა აქვს. ბეტმენისა და ჯოკერის სცენა ბევრმა კრავთა დუმილში ჰანიბალ ლექტერისა და დეტექტივი კლარისის შეხვედრასაც შეადარა.

ჯერჯერობით ზუსტად არ ვიცით, როგორ და როდის გააგრძელებს მეტ რივზი ბეტმენის ისტორიას, თუმცა ახალი ჯოკერის წარდგენა, სავარაუდოდ, იმაზე უნდა მიუთითებდეს, რომ საყვარელ გმირებს კიდევ შევხვდებით.