გაეროს გენერალური მდივანი, ანტონიო გუტიერეში 25 აპრილს მოსკოვში გაემგზავრება და ვლადიმერ პუტინს შეხვდება. ინფორმაციას გაეროს სპიკერზე დაყრდნობით The Guradian ავრცელებს.

გუტიერეშმა ვლადიმერ პუტინის გარდა, ვოლოდიმირ ზელენსკისთან შეხვედრის სურვილიც გამოთქვა. 20 აპრილს გაეროს სპიკერმა განაცხადა, რომ მას სურს, ორი ქვეყნის ლიდერთან მშვიდობის დამყარების გადაუდებელი აუცილებლობა განიხილონ.

სპიკერის თქმით, სამშაბათს რუსეთისა და უკრაინის მისიებს წერილები გადაეცათ. სპიკერმა აღნიშნა, რომ გუტიერეში ელოდება პასუხებს რუსეთისა და უკრაინის მთავრობებისგან. მანვე თქვა, რომ ჯერჯერობით უცნობია ვინ იქნებიან გაეროს დელეგაციის წევრები.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში