ამერიკის შეერთებულმა შტატებმა რუსეთის წინააღმდეგ ახალი სანქციები დააწესა, რომელიც შეეხო იმ სუბიექტებსა და ფიზიკურ პირებს, რომლებიც აშშ-ისა და მისი საერთაშორისო პარტნიორების მიერ რუსეთის წინააღმდეგ დაწესებული სანქციების თავიდან აცილების მცდელობებში მონაწილეობენ.

სანქციები დაუწესდა რუსულ კომერციული ბანკ Transkapitalbank-ს და 40-ზე მეტი ფიზიკური და იურიდიული პირების გლობალურ ქსელს, რომელსაც ხელმძღვანელობს რუსი ოლიგარქი კონსტანტინე მალოფეევი. აშშ-ის სახაზინო დეპარტამენტის განცხადებით, დაასანქცირეს ის კომპანიებიც, რომლებიც მუშაობენ რუსეთის ვირტუალური ვალუტის მაინინგ ინდუსტრიაში.

გარდა ამისა, სახელმწიფო დეპარტამენტი აწესებს სავიზო შეზღუდვებს რუსეთის 635 მოქალაქისთვის, რომლებიც საფრთხეს უქმნიან უკრაინის ტერიტორიულ მთლიანობას და ჩართული არიან ისეთ ქმედებებში, რომლებიც არღვევს ადამიანის უფლებებს, მათ შორის ოკუპირებულ დონბასის რეგიონში.