უკრაინის უშიშროების სამსახურის განცხადებით, ხარკოვში აღმოაჩინეს საიდუმლო საწყობი, სადაც 200 მილიონი დოლარის ღირებულების საბრძოლო მასალა ინახებოდა. მათი თქმით, შეიარაღება უკრაინის არმიას გადაეცა.

უშიშროების სამსახურის ინფორმაციით, აღმოჩენილი მასალა განკუთვნილი იყო რუსეთი დაზიანებული ტექნიკის შესაკეთებლად.

ამოღებულია 60 სატანკო ძრავა, დიდი რაოდენობით ჯავშანტექნიკის სათადარიგო ნაწილები და კომპონენტები, რომლებიც მოთავსებულია რკინიგზის 10 ვაგონში სწრაფი გადაადგილებისთვის. ამასთანავე, აღმოჩენილია 26 რაკეტა.