ამერიკის შეერთებული შტატების სახელმწიფო დეპარტამენტის სპიკერის, ნედ პრაისის განცხადებით, ბოლო დღეებში უკრაინაზე თავდასხმები აჩვენებს, რომ რუსეთი ხალხის წინააღმდეგ ტერორის კამპანიას ახორციელებს.

"ფაქტია, რომ რუსეთი არა მხოლოდ შეიჭრა და ომი წამოიწყო, არამედ უკრაინელი ხალხის წინააღმდეგ ტერორის, სისასტიკის და საზიზღარი აგრესიის კამპანიას აწარმოებს. იმის გათვალისწინებით, რაც ჩვენ ბოლო საათებში, ლვოვისა და კიევის გარეუბნებზე თავდასხმის თვალსაზრისით ვნახეთ, ის, რაც ვნახეთ მარიუპოლში, ხარკოვში, რისი მოწმეც გავხდით ბუჩაში, ეს აშკარა ნიშნებია და ნათლად მოწმობს სისასტიკისა და ტერორის კამპანიას, რომელსაც რუსები უკრაინელი ხალხის წინააღმდეგ აწარმოებენ", — განაცხადა მან.

18 აპრილს ლვოვზე რუსულმა არმიამ 4 სარაკეტო თავდასხმა განახორციელა. ლვოვის ოლქის რეგიონული სამხედრო ადმინისტრაციის ხელმძღვანელის თქმით, სამი ბომბი სამხედრო ინფრასტრუქტურის ობიექტებს მოხვდა. ბოლო ინფორმაციით, რუსების თავდასხმის შედეგად, ლვოვში 7 ადამიანი დაიღუპა, ხოლო 11 დაშავდა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში