უკრაინის საგარეო საქმეთა მინისტრმა, დმიტრო კულებამ მოკავშირეებს დახმარება კიდევ ერთხელ სთხოვა. მისი თქმით, თუ NATO მათ არ დაეხმარება, დონბასისთვის ბრძოლა, შესაძლოა, მეორე მსოფლიო ომს დაემსგავსოს.

"ან დაგვეხმარებით ახლა, მე ვსაუბრობ დღეებზე და არა კვირებზე, ან თქვენი დახმარება ძალიან გვიან მოვა და ბევრი ადამიანი დაიღუპება", — განაცხადა მან ჟურნალისტებთან.

დღეს ბრიუსელში NATO-ს მინისტერიალი შედგა. ბრიუსელში იმყოფება საქართველოს საგარეო საქმეთა მინისტრი, ილია დარჩიაშვილიც.