პრეზიდენტის ადმინისტრაციის მრჩეველმა, ალექსეი არესტოვიჩმა ვიდეომიართვაში განაცხადა, რომ სამყარო უნდა შეძრწუნდეს იმით, რაც მოხდა კიევის ოლქებში, ბუჩაში, ირპენსა და გოსტომელში.

"ბუჩა, ირპენი და გოსტომელი — ეს ქალაქებია, რომელიც გაათავისუფლეს და წარმოადგენენ სურათს პოსტაპოკალიპტური საშინელებათა ფილმიდან", — განაცხადა არესტოვიჩმა.

მან რუსული ჯარების დაადანაშაულა სამხედრო დანაშაულებში, მათ შორის, ძარცვაში, გაუპატიურებასა და მშვიდობიანი მოქალაქეების მკვლელობაში. მისი თქმით, ბევრ მსხვერპლს ხელები აქვთ შეკრული და მათ სხეულებზე წამების ნიშნებია, ხოლო უმეტესობა თავში სროლითაა მოკლული.

"სამყარო უნდა შეძრწუნდეს იმით, რაც მოხდა ბუჩაში, ირპენსა და გოსტომელში. სამწუხაროდ, მე ვფიქრობ, რომ უკრაინის სხვა ქალაქებშიც არ იქნება უკეთესი სურათი, მაგრამ უკრაინის შეიარაღებული ძალები და თავდაცვის სხვა დანაყოფები, სპეციალური სამსახურები, ყველაფერს გააკეთებენ, რომ იპოვონ და დასაჯონ დამნაშავეები", — თქვა არესტოვიჩმა და დაამატა, რომ არცერთი დანაშაული არ დარჩება დაუსჯელი.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.

ამავე თემაზე:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში