უკრაინის საგარეო საქმეთა მინისტრის, დმიტრო კულებას განცხადებით, ბუჩაში მასობრივი მკვლელობის მოწყობა წინასწარ იყო განზრახული, რადგან რუსების მიზანი რაც შეიძლება მეტი უკრაინელის განადგურებაა. კულება G7-ის ქვეყნებს მოუწოდებს, რუსეთს დამატებითი, დამანგრეველი სანქციები დაუწესონ.

"ბუჩაში მასობრივი მკვლელობა გამიზნული იყო. რუსების მიზანია, რაც შეიძლება მეტი უკრაინელი გაანადგურონ. ჩვენ უნდა შევაჩეროთ და განვდევნოთ ისინი. მოვითხოვ G7-ის ახალ დამანგრეველ სანქციებს ახლავე: ნავთობის, გაზის, ნახშირის ემბარგო, დახურეთ ყველა პორტი რუსული გემებისა და ტვირთვისთვის, გათიშეთ ყველა რუსული ბანკი SWIFT-დან", — წერს ის Twitter-ზე და მოკლული ადამიანების ცხედრების ფოტოებს ავრცელებს.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშოროსი მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.

ამავე თემაზე:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში