ჰაკერულმა დაჯგუფება Anonymous-მა პროპაგანდისტული ვიდეოების გავრცელების შესახებ, სავარაუდოდ, რუსეთის თავდაცვის სამინისტროს 21 მარტის ბრძანება გამოაქვეყნა. დოკუმენტში აღნიშნულია, რომ იზრდება იმ შემთხვევების რიცხვი, როდესაც რუსი ჯარისკაცები ტყვედ ბარდებიან უკრაინაში და სხვადასხვა საშუალებებით ვრცელდება ვიდეოები, სადაც მათ კეთილგანწყობილად ექცევიან. სამინისტროს ბრძანება უწყებას ავალებს ისეთი ვიდეომასალების შექმნას, რომლითაც წარმოაჩენენ, რომ უკრაინის შეიარაღებული ძალები ტყვეებს არაადამიანურად ექცევიან.

დოკუმენტის მიხედვით, უწყებამ უნდა შეიმუშაოს და გაავრცელოს პროპაგანსიტული გრაფიკული მასალები, რომლითაც "დაამტკიცებენ", რომ უკრაინის მიერ გავრცელებულ ვიდეოებში არა რეალური ტყვეები, არამედ სხვა ხალხი არიან. ამასთანავე, სამინისტროს ევალება ისეთი ინფორმაციის გავრცელება, რომელიც უარყოფს, რომ რუსეთის შეიარაღებულ ძალები წვევამდელებს იყენებენ.

გარდა ამისა, დოკუმენტის მიხედვით, თავდაცვის სამინისტრომ უნდა უზრუნველყოს ისეთი კომენტარების გავრცელება, რომელშიც ძირითადი აქცენტი რუსეთში ჟენევის კონვენციის დარღვევაზე იქნება გაკეთებული.

დოკუმენტს ხელს აწერს ბულგაკოვი, რომელიც თავდაცვის მინისტრის მოვალეობის შემსრულებლად არის მოხსენიებული. ბულგაკოვის ხელმოწერით მსგავსი დოკუმენტი აქამდეც გავრცელდა. როგორც მასში ეწერა, თავდაცვის მინისტრი, სერგეი შოიგუ არ იმყოფება სამუშაო ადგილას, ეს კი ცუდად ისახება სამინისტროს იმიჯზე, ამიტომ გამოიცა ბრძანება ისეთი ფოტოებისა და ტექსტური მასალების შექმნისთვის, რაც შოიგუს შეხვედრებზე დასწრებას "დაამტკიცებდა". მსგავსი მასალების შექმნა საინფორმაციო სამსახურის თანამშრომლებს დაევალათ და მათ ისინი ყველა ოფიციალური შეხვედრიდან უნდა გაევრცელებინათ.

რუსეთისთვის დადგმული ვიდეოების შექმნა და პროპაგანდის გავრცელება უცხო არ არის. ომის პერიოდში მათ გამოაქვეყნეს არაერთი ვიდეო, რომელიც ქმნიდა ილუზიას, რომ რუს ჯარისკაცებს უკრაინაში ხალხი ბედნიერად ხვდება. ასევე, რუსეთი საკუთარი პროპაგანდის გამოყენებით და სამთავრობო მედიების საშუალებით გამუდმებით ცდილობს ხალხი დააჯეროს, რომ მათ მიერ განადგურებულ უკრაინის ქალაქებს თავად უკრაინელები ბომბავენ. რუსული პროპაგანდის ნაწილია ის ვიდეოებიც, სადაც თითქოს უკრაინელები საუბრობენ, როგორ ავიწროებდა მათ აზოვის ბატალიონი. რუსეთის პროპაგანდისა და დადგმული ვიდეოების შესახებ საერთაშორისო მედიას კითხვები გაუჩნდა მაშინაც, როდესაც პუტინის შეხვედრების საეჭვო ვიდეობი გავრცელდა.