გუშინ, 22 მარტს ქობულეთში ალტ-ინფოს ოფისთან გამართულ აქციაზე 12 პირი დააკავეს. ამის შესახებ On.ge-ს შინაგან საქმეთა სამინისტროში განუცხადეს.

უწყების ცნობითვე, ისინი ადმინისტრაციულ სამრთალდარღვევათა კოდექსის 166-ე, წვრილმანი ხულიგნობისა და 173-ე, პოლიციის მოთხოვნის მიმართ დაუმორჩილებლობის მუხლებით არიან დაკავებული.

ქობულეთში პრორუსული, ძალადობრივი და ჰომოფობიური ორგანიზაცია ალტ-ინფოს ოფისის გახსნასთან დაკავშირებულ მოქალაქეების პროტესტს დაპირისპირება მოჰყვა. შეკრებილების თქმით, მოძალადე ჯგუფები თავს დაესხნენ, როცა ალტ-ინფოს ოფისის გახსნას აპროტესტებდნენ. აქციის მონაწილეებს თან უკრაინის დროშა ჰქონდათ.