ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის ოფიცრებმა 17-23 აპრილს 4 288 გადამხდელი შეამოწმა და 435 სამართალდარღვევის შემთხვევა გამოავლინა. სამართალდარღვევების შესახებ ინფორმაცია შემოსავლების სამსახურმა 24 აპრილს გამოაქვეყნა.

უწყების ინფორმაციით, დარღვევებიდან ყველაზე მეტი - 359 შემთხვევა საკონტროლო-სალარო აპარატის გამოუყენებლობაზე მოდის; სასაქონლო ზედნადების გარეშე ტრანსპორტირებზე - 42; ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების კი - 34 შემთხვევა.