რუსეთის საგარეო საქმეთა მინისტრმა, სერგეი ლავროვმა თქვა, რომ რუსეთის პრეზიდენტი ვლადიმერ პუტინი არ ამბობს უარს შეხვდეს უკრაინის პრეზიდენტს, ვოლოდიმირ ზელენსკის, როცა ამის საჭიროება დადგება. მან ასევე აღნიშნა, რომ შეხვედრისთვის საჭიროა მოსამზადებელი სამუშაოები, რომელიც მიმდინარეობს ბელარუსის ფორმატში.

"ჩვენ დღეს დავადასტურეთ, რომ პრეზიდენტი პუტინი არ ამბობს უარს პრეზიდენტ ზელენსკისთან შეხვედრაზე. ალბათ, როდესმე, იმედი მაქვს, რომ ასეთი აუცილებლობა დადგება, მაგრამ ამისთვის საჭიროა მოსამზადებელი სამუშაოები, რომელიც მიმდინარეობს ბელარუსის ფორმატში", — განაცხადა მან.

ლავროვმა პრესკონფერენციაზე აღნიშნა, რომ უკრაინის საგარეო საქმეთა მინისტრ დმიტრო კულებასთან ერთად, ამ საკითხზე ისაუბრეს. მისი თქმით, კულებას "შახსენა, რომ სულ მზად არიან შეხვედრისთვის".

"მე ვფიქრობ, რომ ყველამ კარგად იცის, პრეზიდენტი პუტინი არასდროს ამბობს უარს კონტაქტზე. ჩვენ მხოლოდ ის გვინდა, რომ ეს კონტაქტები დაორგანიზდეს არა მხოლოდ საკუთარი თავისთვის, არამედ იმისთვის, რომ დაფიქსირდეს რაიმე სახის კონკრეტული შეთანხმებები. ჩვენ დღეს ამ თემას შევეხეთ — ბატონმა კულებამ წამოაყენა თემა, რომელიზეც თქვენ ახლა ციტატა წაიკითხეთ. მე მას შევახსენე, რომ სულ მზად ვართ შევხვდეთ, თუ შევძლებთ მივაღწიოთ დამატებით ღირებულებას და შევძლებთ პრობლემის მოგვარებას.

უკრაინის ხელძღვანელობა არაკონსტიტუციური სახელმწიფო გადატრიალების შემდგომ წლებში ირჩევს შეხვედრას შეხვედრისთვის და ახდენს კონკრეტული შეთანხმებების იმიტაციას", — თქვა ლავროვმა.

ზელენსკიმ 3 მარტს პუტინს მოლაპარაკებებისკენ მოუწოდა. მან პრესკონფერენციიდან რუსეთის პრეზიდენტს უთხრა, რომ "არ იკბინება" და თუ პუტინი უკრაინის მიწიდან არ მიდის, აუცილებელია, რომ მოლაპარაკებების მაგიდასთან დასხდნენ, "ოღონდ არა 30 მეტრის დაშორებით".