უკრაინის საგარეო საქმეთა მინისტრი, დმიტრო კულებამ და ამერიკის შეერთებული შტატების სახელმწიფო მდივანი, ენტონი ბლინკენი პოლონეთის საზღვარზე შეხვდნენ.

სამინისტროს ინფორმაციით, საუბრის თემა რუსეთის წინააღმდეგ მომავალ სანქციებს, უკრაინისთვის დამატებით იარაღის მიწოდებასა და მსოფლიოდან რუსეთის იზოლაციას შეეხებოდა. უწყების ცნობითვე, ბლინკენმა აღფრთოვანება გამოხატა უკრაინელი ხალხის, მათ შორის, პრეზიდენტ ზელენსკის მიმართ.

სამინისტროს განცხადებით, კულება აღნიშნა, რომ უკრაინა ამ ომს მოიგებს, რადგან ხალხი საკუთარი მიწის დასაცავად იბრძვის და სიმართლე მათ მხარესაა.

"უკრაინა გაიმარჯვებს ამ ომში, რადგან ეს ხალხის ომია საკუთარი მიწისთვის და სიმართლე ჩვენს მხარესაა. აქ საკითხი დგას იმაში, თუ რა ფასად დაგვიჯდება გამარჯვება. თუ პარტნიორები განაგრძობენ გადამწყვეტ ქმედებებს, გაზრდიან რუსეთზე ეკონომიკურ და პოლიტიკურ ზეწოლას, მოგვაწვდიან საჭირო იარაღს, უკრაინისთვის ფასი ნაკლები იქნება. ეს ბევრ სიცოცხლეს გადაარჩევს", — თქვა კულებამ.

ფოტო: უკრაინის თავდაცვის სამინისტრო

გარდა ამისა, მხარეებმა განიხილეს უკრაინის თავდაცვის შესაძლებლობების გაძლიერების საკითხი, კერძოდ ცის დაცვა რუსული ავიაციისა და რაკეტებისგან. ბლინკენი და კულება უკრაინის რუსეთისგან საჰაერო ბარბაროსული მოქმედებებისგან თავდასაცავად შემდგომ ნაბიჯებზე შეთანხმდნენ.

უწყების განცხადებაში, ასევე, ნათქვამია, რომ სახელმწიფო მდივანმა დაადასტურა, რომ უკრაინის თავდაცვის მხარდაჭერა განაგრძოს. ამასთან, ყურადღება გაამახვილა მთელი მსოფლიოში უკრაინის მხარდაჭერის უპრეცედენტო ტალღაზე.

"პუტინმა დაუშვა საშინელი, საშინელი შეცდომა ბევრი თვალსაზრისით. მას ეგონა, რომ უკრაინა, როგორც დამოუკიდებელი სახელმწიფო, არ არსებობს. უკრაინელი ხალხი საპირისპიროს ყოველდღიურად ამტკიცებს. ძალა, მონდომება და მიზანდასახულება აშშ-ისა და მთელი მსოფლიოს მხარდაჭერით საბოლოოდ გაიმარჯვებს, პირდაპირ ვამბობ. ვეთანხმები მინისტრ კულებას, რომ საკითხი გამარჯვების ფასში დგას", — თქვა მან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში