ჰუმანიტარული დერეფნები იხსნება უკრაინის 2 ქალაქში, მარიუპოლსა და ვოლნოვახაში. დონეცკის რეგიონალური სახელმწიფო ადმინისტრაციის ხელმძღვანელმა ეს ინფორმაცია დაადასტურა. მისი თქმით, ახლა მიმდინარეობს მოლაპარაკებები დეტალებზე.

რუსული მედია წერს, რომ თავდაცვის სამინისტროს განცხადებით, რუსული მხარე აცხადებს ცეცხლის შეწყვეტის რეჟიმს მოსკოვის დროით 10:00 საათიდან და ხსნის ჰუმანიტარულ დერეფნებს მარიუპოლიდან და ვოლნოვახადან მშვიდობიანი მოსახლეობის გასასვლელად.

ერთ-ერთი უკრაინული გამოცემის თქმით, კი დერეფნის გახსნის შემთხვევაში შესაძლებელი იქნება ინფრასტრუქტურის აღდგენა — განათება, წყალი. ასევე შესაძლებელი იქნება მარიუპოლის საკვებით და პირველი საჭიროების მედიკამენტებით უზრუნველყოფა.

როგორც Unian წერს, მარიუპოლი და ვოლნოვახა გახდა დონეცკის რეგიონის ცხელ წერტილები, მათი ინფრასტრუქტურა ფაქტობრივად განადგურდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში