საგარეო უწყების ხელმძღანელმა, მაკა ბოჭორიშვილმა პარლამენტში ინტერპელაციის წესით მოსმენისას განაცხადა, რომ საქართველოს ხელისუფლების წინააღმდეგ სხვადასხვა ქვეყნების სანქციები კიევში იწერებოდა. მისივე თქმით, "კონკრეტულ შემთხვევაში კონკრეტული ნაბიჯებიც იდგმება, აქვს კომუნიკაცია სხვადასხვა ქვეყნებთან, სხვადასხვა უწყებებთან, რომ ის უსამართლო ნაბიჯები რომლებიც გადაიდგა საქართველოს მოქალაქეების მიმართ, იყოს გამოსწორებული".

"როდესაც ასანქცირებენ ხელისუფლების წარმომადგენლებს ესეც ერთგვარი უსამართლო დამოკიდებულის კარგი მაგალითია, თუ როგორ ხდება ქვეყნის შანტაჟი და ზეწოლა უშუალოდ ადამიანებზე ზეწოლის გზით და გარკვეული შიშის თუ სხვადასხვა გრძნობების გაჩენის მეთოდებით. ხშირ შემთხვევაში იყო ასეთი შემთხვევები, დამსანქცირებელ ქვეყანას, რომელიც განაცხადებდა ტვიტერზე, რომ ასანქცირებდა საქართველოს ხელისუფლების რაღაც რაოდენობის წარმომადგენლებს, ლეგიტიმურად გვიკითხავს, რომ იქნებ სახელები და გვარები მაინც გეთქვათ იმ ადამიანების, ვის ასანქიცრებთ, რომ თქვენს დიდებულ ქვეყანას აღარ ეწვიოს და აღარ შემოგინგრიოს კარი. სახელებს და გვარებსაც არ ასახელებენ ხოლმე და უბრალოდ განცხადებად რჩება. ცხადად ჩანს სად იწერებოდა ეს სანქციები, შეგიძლიათ შეადაროთ, შეცდომებიც კი ერთნაირია სახელების და გვარების დაწერის დროს კიევში დაწერილი სანქციები როგორ იქნა გადაკოპირებული სხვა ქვეყნების მიერ. ასეთიც იყო, შეგიძლიათ ნახოთ. დაშვებული შეცდომებიც კი ვერ გაასწორეს გვარებიც რომ გაესწორებინა. არასერიოზულია ერთის მხრივ, თუმცა სერიოზული არის მეორეს მხრივ. ჩვენ ვერ დავტოვებთ უყურადღებოდ ამ საკითხს, გარდა იმისა, რომ განცხადებებს ვაკეთებთ. კონკრეტულ შემთხვევაში კონკრეტული ნაბიჯებიც იდგმება, გვაქვს კომუნიკაცია სხვადასხვა ქვეყნებთან, სხვადასხვა უწყებებთან, რომ ის უსამართლო ნაბიჯები რომლებიც გადაიდგა ჩვენი მოქალაქეების მიმართ, როცა ეს მართლა უსამართლოა იყოს გამოსწორებული და იმედი მაქვს ჩვენ გარკვეული პროგრესი გვექნება ამ მიმართულებით", — განაცხადა საგარეო უწყების ხელმძღვანელმა მაკა ბოჭორიშვილმა პარლამენტშ სიტყვით განმოსვლისას, სადაც მას ინტერპელაციის წესით უსმენენ.