კალათბურთელი ზაზა ფაჩულია რაჭაში "სადმელი ჰესის" აშენებას გეგმავს — ინფორმაციას BMG ავრცელებს.

მთავრობის 661-ე განკარგულების მიხედვით, ზაზა ფაჩულიას კომპანია "სადმელი ჰესს" ამბროლაურის მუნიციპალიტეტში 29 007 კვ.მ.-ის მიწის ნაკვეთის 49 წლის ვადით აღნაგობის უფლებით გადაეცა — რისთვისაც ინვესტორმა ყოველწლიურად 18 973 ლარი უნდა გადაიხადოს. განკარგულებით ქონების 49 წლის ვადით სარგებლობაში გადაცემის პირობად "სადმელი ჰესის" აშენება და ექსპლუატაციაში მიღებაა.

საქართველოს გადამცემი ქსელის განვითარების ათწლიანი გეგმის მიხედვით, რომელიც სახელმწიფო ელექტროსისტემამ გამოაქვეყნა, "სადმელი ჰესის" სიმძლავრე 2.7 მეგავატს შეადგენს, ხოლო წლიური გამომუშავება დაახლოებით 19.2 მილიონი კვტ/სთ იქნება. ჰიდროელექტროსადგური ამუშავება 2027 წლის 30 სექტემბრისთვის არის დაგეგმილი.

ბიზნეს რეესტრის მონაცემებით, კომპანია "სადმელი ჰესი" 2023 წელს დარეგისტრირდა, თუმცა 2025 წლის ივნისში მისი სრული წილი, 100%, ზაზა ფაჩუალიამ ნანა ყეინიშვილის შვილისგან, ნათია ლოლაძისგან, 450 000 დოლარად შეიძინა. ამჟამად კომპანიის მართვას ლევან დიასამიძე ახორციელებს.