სადაზღვევო კომპანია ალდაგი Hessink’s თბილისის სააუქციონო სახლის პარტნიორი და ქართული მოდერნისტული ხელოვნების საერთაშორისო აუქციონის მხარდამჭერი და ოფიციალური მზღვეველია.

Hessink’s თბილისის სააუქციონო სახლი, ალდაგთან პარტნიორობით, პირველ საერთაშორისო აუქციონს 27 აპრილს, თბილისის თანამედროვე ხელოვნების მუზეუმში (MoMa Tbilisi) გამართავს.

აუქციონზე წარმოდგენილი იქნება 90 საგულდაგულოდ შერჩეული ლოტი, რომლებიც მოიცავს პერიოდს გვიანი საბჭოთა ეპოქიდან დღემდე. შერჩევა ასახავს ქართული ხელოვნების განვითარების მნიშვნელოვან ეტაპებს და საზოგადოებას სთავაზობს შეკრულ ხედვას კულტურული ტრანსფორმაციისა და მხატვრული განახლების პროცესებზე.

აუქციონში წარმოდგენილია ისეთი ავტორების ნამუშევრები, როგორებიც არიან ალექსანდრე (შურა) ბანძელაძე, ვერა ფაღავა, ლუკა ცეცხლაძე, ლია ბაგრატიონი, ილიკო ზაუტაშვილი და მამუკა ცეცხლაძე, აგრეთვე სხვა ცნობილი ხელოვანების.

კურატორული ხედვა

კატალოგი აერთიანებს განსხვავებულ მხატვრულ მიდგომებს აბსტრაქციიდან ფიგურაციამდე და წარმოაჩენს ქართული ხელოვნების მრავალფეროვან ვიზუალურ ენას. წარმოდგენილი ნამუშევრები ერთდროულად ეხმიანება ადგილობრივ და ფართო საერთაშორისო კონტექსტს, რაც კოლექციონერებისთვის ქმნის მკაფიო და გააზრებულ წვდომას დინამიკურ და მრავალშრიან სახელოვნებო სივრცეზე.

ალდაგთან პარტნიორობა

Hessink’s სააუქიცონო სახლთან თანამშრომლობის ფარგლებში, სააუქციონო კოლექციის სრული დაზღვევა სადაზღვევო კომპანია ალდაგმა უზრუნველყო, რაც ამ სფეროში საერთაშორისო სტანდარტის დამკვიდრებისკენ გადადგმული მნიშვნელოვანი ნაბიჯია.

როგორც დაზღვევის ბაზრის ლიდერი, ალდაგი კოლექციონერებსა და გალერეებს სთავაზობს ხელოვნების ნიმუშების დაცვის სრულ ციკლს — ტრანსპორტირებიდან საგამოფენო სივრცეებში განთავსებამდე. ეს ინიციატივა კიდევ ერთხელ უსვამს ხაზს ალდაგის მისწრაფებას, ხელი შეუწყოს ქართული სახელოვნებო ბაზრის განვითარებასა და კულტურული მემკვიდრეობის უსაფრთხოებას.

“ჩვენი სადაზღვევო პროდუქტი სრულად პასუხობს საერთაშორისო აუქციონის მაღალ სტანდარტსა და ხელოვნების ნიმუშების სპეციფიკურ საჭიროებებს. ვამაყობთ, რომ ვართ ამ პროცესის მონაწილე და მხარს ვუჭერთ პროექტს, რომელიც ქართული ხელოვნების პოპულარიზაციასა და მასში ინვესტირებას უწყობს ხელს.” — ქეთევან მაღალაშვილი, ალდაგის მარკეტინგისა და კომუნიკაციების დირექტორი.