ოთხწლიანი ლოდინის შემდეგ, Euphoria ნანატრი მესამე სეზონით დაბრუნდა და მაყურებლისაგან უარყოფითი შეფასებების მიღებაც უკვე მოასწრო. თანაც, ჯერჯერობით სერიალის მხოლოდ პირველი ეპიზოდი ვიხილეთ.

ცნობილი იყო, რომ კრიტიკოსები სერიალის მესამე სეზონით არ აღფრთოვანდნენ და Rotten Tomatoes-ზე მას მიანიჭეს დაბალი, 42%-იანი რეიტინგი, თუმცა ეპიზოდის გამოსვლის შემდეგ, უკვე გვაქვს მაყურებლის შეფასებებიც. ეს უკანასკნელიც ისეთივე ცუდია ან შესაძლოა, უარესიც კი.

Rotten Tomatoes-ზე მე-3 სეზონი ახლა სერიალის ყველაზე დაბალრეიტინგული სეზონია, თანაც დიდი სხვაობით. მონაცემები კი ასე გამოიყურება:

• Trouble Don’t Last (რუს ეპიზოდი) — 85%
• Euphoria-ს პირველი სეზონი — 84%
• F--- Everyone Who’s Not a Sea Blob (ჯულსის ეპიზოდი) — 84%
• Euphoria-ს მეორე სეზონი — 80%
• Euphoria-ს მესამე სეზონი — 51%

როგორც ვხედავთ, სხვაობა საკმაოდ დიდია, რადგან მანამდე არცერთ სეზონს 80%-ზე დაბალი შეფასება არ ჰქონია.

IMDB-ზე იგივე მდგომარეობაა, თანაც აქ შეგვიძლია დავინახოთ ცალკეული ეპიზოდების ქულები. ამჟამინდელი მონაცემებით, მესამე სეზონის პირველ ეპიზოდს, სახელწოდებით Ándale, სერიალის ისტორიაში ყველაზე დაბალი ქულა აქვს — 10-დან მხოლოდ 6.8.

და რამ გამოიწვია ეს ყველაფერი?

• მესამე სეზონი საერთოდ აღარ ჰგავს Euphoria-ს

ხუთწლიანი ნახტომის გამო, სერიალის სიუჟეტი რადიკალურად შეიცვალა.

• სიდნი სვინის პერსონაჟმა

თუ გასულ სეზონში ქესის პერსონაჟმა გაგაღიზიანათ, აჯობებს მესამე სეზონის პირველ ეპიზოდს აღარ უყუროთ.

• პერსონაჟების ნაკლებობამ

და სად გაქრნენ სერიალის პერსონაჟები? პირველი ეპიზოდში ვერც ჯულსი ვნახეთ და ვერც სერიალის დარჩენილი პერსონაჟები.

აღსანიშნავია, რომ Euphoria-ს მესამე სეზონში ვერ ვიხილავთ კეტის როლის შემსრულებელ ბარბი ფერეირასა და სტორმ რეიდს (ჯია), რადგან მათ მე-3 სეზონში მონაწილეობაზე უარი თქვეს.

• სერიალის საუნდტრეკებმა

ცალსახაა, რომ ჰანს ციმერი ლეგენდარული კომპოზიტორია, თუმცა Euphoria-სთან რა კავშირი აქვს? ახალ სეზონში ნამდვილად იგრძნობა Labrinth-ის სიმღერების ნაკლებობა.

• რატომ არ მიაგეს პატივი ანგუს კლაუდის ხსოვნას?

მაყურებლების დიდი ნაწილი იმედგაცრუებულია იმით, რომ სერიალში პატივი არ მიაგეს ანგუს კლაუდის (ფეზკო) ხსოვნას, რომელიც 2023 წლის 31 ივლისს ნარკოტიკული ნივთიერებებით შემთხვევითი ზედოზირებით გარდაიცვალა. მის პერსონაჟზე კი მხოლოდ ის თქვეს, რომ ფეზკო 30 წლით ციხეში ჩასვეს.

გულშემატკივრები ვარაუდობენ, რომ მომდევნო ეპიზოდები ბევრად საინტერესო იქნება. გამართლდება თუ არა ჩვენი მოლოდინები, ამას 19 აპრილს, სერიალის მესამე სეზონის მეორე ეპიზოდის პრემიერის შემდეგ გავიგებთ.