ავსტრალიელმა მსახიობმა, რუბი როუზმა, კეტი პერი სექსუალურ შევიწროებაში დაადანაშაულა. როუზის თქმით, შემთხვევა მელბურნის ერთ-ერთ ღამის კლუბში 20 წლის წინ მოხდა.

მსახიობმა ეს განცხადება Thread-ის პლატფორმაზე, ერთ-ერთი პოსტის საპასუხოდ, გააკეთა. "კეტი პერიმ ჩემზე სექსუალურად იძალადა მელბურნის კლუბ Spice Market-ში. საერთოდ ვის ანაღვლებს, რას ფიქრობს იგი",— წერს როუზი.

ფოტო: The Australian

აღსანიშნავია, რომ Variety-სთან საუბრისას, კეტი პერის წარმომადგენლებმა ბრალდებები კატეგორიულად უარყვეს.

"სოციალურ ქსელში რუბი როუზის მიერ გავრცელებული ბრალდებები არა მხოლოდ უბრალოდ სიცრუე, არამედ საშიში და უგუნური ტყუილიცაა. ქალბატონ როუზს სოციალურ ქსელებში ადამიანების წინააღმდეგ სერიოზული ბრალდებების საჯაროდ წაყენების დიდი ისტორია აქვს, ხოლო დასახელებული პირები ამ ბრალდებებს ყოველთვის უარყოფენ", — განაცხადეს პერის წარმომადგენლებმა.

როგორც რუბი როუზი ამბობს, შემთხვევა დაახლოებით 20 წლის წინ მოხდა და ამბის საჯაროდ მოსაყოლად თითქმის ორი ათწლეული დასჭირდა. მსახიობმა აღნიშნა, რომ ის არ აპირებს საჩივრის შეტანას.

ფოტო: Getty Images

როუზის თქმით, კეტი პერი მას ამერიკის ვიზის აღებაში დახმარებას დაჰპირდა და ამიტომ გადაწყვიტა, რომ მომხდარი საიდუმლოდ შეენახა.

"კეტი დამთანხმდა, რომ ვიზის აღებაში დამეხმარებოდა, ამიტომ ყველაფერს საიდუმლოდ ვინახავდი. მაგრამ მე მაინც გეუბნებოდით, რომ ის არ იყო კარგი ადამიანი", — აღნიშნა მსახიობმა.

ფოტო: Getty Images

შეგახსენებთ, რომ კეტი პერი Coachella-ს მუსიკალურ ფესტივალს თავის პარტნიორთან, ჯასტინ ტრუდოსთან, ერთად ესწრებოდა. ინციდენტი, რომელმაც როუზის მწვავე რეაქცია გამოიწვია, პერის ხუმრობას ეხებოდა ჯასტინ ბიბერის გამოსვლაზე, როცა მომღერალმა სცენაზე YouTube-ის ვიდეოები ჩართო. პერი ვიდეოში ამბობს: "მადლობა ღმერთს, Premium აქვს, არ მინდოდა რეკლამების ნახვა". სწორედ ამ ვიდეომ გამოიწვია როუზის მწვავე ბრალდება.