პოზნანში ხუთი თვის ბავშვი, სავარაუდოდ, ძალადობის შედეგად გარდაიცვალა. პოლონური მედიის ცნობით, ბავშვი საავადმყოფოში მძიმე დაზიანებებით იმყოფებოდა.

პროკურატურის განცხადებაში ვკითხულობთ, რომ ბავშვის დედა — საქართველოს მოქალაქე, 40 წლის თამარ კ. — დაკავებულია. დედასთან ერთად მისი ორი მეგობარი, მოლდოვის მოქალაქე მამაკაცებიც დააკავეს. ბავშვის მამა, საქართველოს მოქალაქე ნაზგური კ., მიმალვაშია.

2 აპრილს დედამ 5 თვის ბავშვი საავადმყოფოში მიიყვანა და ამტკიცებდა, რომ მისი შვილი დაეცა და გონება დაკარგა. სამედიცინო გამოკვლევებით დადგინდა, რომ ბავშვს თავის ქალის მოტეხილობა და ტვინის მძიმე დაზიანება აღმოაჩნდა, რაც ძალადობაზე მეტყველებდა. ექვსი დღის შემდეგ ჩვილი გარდაიცვალა.

გამოძიების ვერსიით, შემთხვევის დროს ბავშვი მამასა და მის ორ მეგობარს ჰყავდა დატოვებული, სანამ დედა სხვა ქალაქში გეგმიურ სამედიცინო გამოკვლევებს იტარებდა. ბავშვის დედა და დაკავებული მეგობრები თავს უდანაშაულოდ ცნობენ.