სინგაპური რუსეთის წინააღმდეგ სანქციებს აწესებს
![](http://rachel.on.ge/2022/03/05/54805821-10564973-image-a-4_1646145998691_622302d5351b5.jpg)
ფოტო: EPA
რუსეთის წინააღმდეგ დაწესებულ სინგაპურის სანქციებს შორისაა ექსპორტის კონტროლი, ფინანსური ზომები და სხვა. ქვეყნის საგარეო საქმეთა მინისტრის განცხადებაში ნათქვამია, რომ მხარს უჭერენ ყველა ქვეყნის სუვერენიტეტს და ტერიტორიულ მთლიანობას.
"რუსეთის შეჭრა უკრაინაში ეწინააღმდეგება გაეროს წესდებას და არის საერთაშორისო სამართლის აშკარა და უხეში დარღვევა. მიუხედავად იმისა, რომ ჩვენ ვაფასებთ რუსეთთან და რუს ხალხთან კარგ ურთიერთობებს, ჩვენ არ შეგვიძლია მივიღოთ რუსეთის მთავრობის მიერ სხვა სუვერენული სახელმწიფოს სუვერენიტეტისა და ტერიტორიული მთლიანობის დარღვევა", — ნათქვამია განცხადებაში.
მათი თქმით, სანქციები დაწესდა იმ პროდუქტებზე, რაც შესაძლოა, პირდაპირ გამოიყენონ უკრაინელების წინააღმდეგ. მათი თქმით პროდუქტთა შორისაა ნივთები, რომლებმაც შესაძლოა ხელი შეუწყობს კიბერ ომს უკრაინის წინააღმდეგ.
სანქციებს შორისაა:
- სინგაპური უარს ამბობს რუსეთის ყველა მოთხოვნაზე, რომელიც მოიცავს სამხედრო საქონლის, ტექნიკის, კომპიუტერების, ტელეკომუნიკაციისა და ინფორმაციის უსაფრთხოების ნივთების მიწოდებას;
- სინგაპურის ყველა ფინანსურ ინსტიტუტს ეკრძალება ტრანზაქციების განხორციელება ან საქმიანი ურთიერთობა რუსულ ფინანსურ ინსტიტუტებთან, მათ შორის — VTB , VEB.RF, Promsvyazbank და Bank Russia;
- სინგაპური კრძალავს ტრანზაქციები ან სახსრების მოზიდვის ხელშეწყობა რუსეთის მთავრობისა და რუსეთის ცენტრალური ბანკისთვის, ასევე, მათ საკუთრებაში არსებული ნებისმიერი სუბიექტისთვის;
- აიკრძალება ფინანსური მომსახურების მიწოდება დონეცკისა და ლუგანსკის რეგიონებში ტრანსპორტის, ტელეკომუნიკაციისა და ენერგეტიკის სექტორში.
- ციფრული გადახდის ნიშნების სერვისის პროვაიდერებს ეკრძალებათ ნებისმიერი ტრანზაქციის ხელშეწყობა "რომელიც ხელს შეუწყობს ამ ფინანსური ზომების გვერდის ავლას".
დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:
იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები