კრიტიკული მედიებისა და Facebook-ის შემდეგ, რუსეთში Twitter დაბლოკეს. ინფორმაციას ამის შესახებ რუსული სახელმწიფო მედიები როსკომანდზორზე დაყრდნობით ავრცელებენ, თუმცა ამ ეტაპზე უწყების ვებგვერდზე მხოლოდ ფეისბუქის დაბლოკვის შესახებ არის ინფორმაცია.

როსკომანდზორის განცხადებით, ფეისბუქის დაბლოკვა საპასუხო მოქმედება იყო ამ სოციალურ ქსელში რუსული მედიის შეზღუდვაზე. უწყება მიიჩნევს, რომ 2020 წლის შემდეგ, FB-ს მხრიდან რუსული მედიის "დისკრიმინაციის" 26 შემთხვევა დაფიქსირდა. ბოლო დღეებში ფბ-მ შეზღუდა წვდომა ტელეარხ ზვეზდაზე და შემდეგ საინფორმაციო რესურსებზე — RIA Novosti, Sputnik, Russia Today, Lenta.ru და Gazeta.ru.

რუსული გაზეთი წერს, რომ აქამდე როსკომანდზორმა არაერთხელ მიმარტა ფეისბუქს რუსული სახელმწიფო მედიებისთვის შეზღუდვების მოხსნაზე, ასევე პროპაგანდისტული კამპანიის აღკვეთის შესახებ. ეს პროსახელისუფლებო გამოცემა განმარტავს, რომ ამაში იგულისხმება მედიები, რომლებიც არასწორ ინფორმაციას ავრცელებდნენ "სპეციალურ სამხედრო ოპერაციაზე". სავარაუდოდ საუბარია კრიტიკულ რუსულ მედიებზე, ეხო მასვკი და დოჟდი რომლებიც პროკურატურამ იმის გამო დაბლოკა, რომ ომს ომი უწოდეს. ასევე, როსკომანდზორმა შეზღუდა წვდომა ბიბისისა და რადიო თავისუფლების რუსულ ბიუროებზე.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში