38-მა ქვეყანამ რუსეთის წინააღმდეგ სისხლის სამართლის საერთაშორისო სასამართლოს მიმართა
![](http://ross.on.ge/2022/02/27/Capture_621b128d84eac.jpg)
ფოტო: Sergei Supinsky / AFP / Scanpix / LETA
38-მა ქვეყანამ რუსეთის უკრაინაში შეჭრასა და ომის დანაშაულის გამო სისხლის სამართლის საერთაშორისო სასამართლოს (ICC) მიმართა და მოუწოდა დაიწყონ გამოძიება. ინიციატორი ქვეყანა დიდი ბრიტანეთია, ხელმომწერ ქვეყნებს შორის არის საქართველოც.
ბრიტანეთის პრემიერმინისტრმა, ბორის ჯონსონმა თქვა, რომ პუტინის ბარბაროსული ქმედებები დაუსჯელი ვერ დარჩება.
"ამ საღამოს მსოფლიოს 38-მა ქვეყანამ რუსეთის უკრაინაში ბარბაროსულ შეჭრაზე სისხლის სამართლის საერთაშორისო სასამართლოს ისტორიაში ყველაზე დიდი ერთობლივი განაცხადებით მიმართა. ცხადად ვამბობთ, რომ პუტინი ამ საზარელ ქმედებებს დაუსჯელად ვერ დარჩება", — ამბობს ჯონსონი.
ბრიტანეთის საგარეო საქმეთა მინისტრის ლიზ ტრასის განცხადებით, "პუტინმა პასუხი უნდა აგოს". ხოლო ბრიტანეთის ვიცეპრემიერმა და იუსტიციის საკითხებში სახელმწიფო მდივანმა, დომინიკ რააბმა აღნიშნავს, რომ მნიშვნელოვანია, ყველა მტკიცებულება ომის დანაშაულზე სათანადოდ დაიცვან.
"ნებისმიერმა რუსმა ლიდერმა ან ოფიცერმა, რომელიც ასრულებს ბრძანებებს, რომლებიც ომის დანაშაულს ჩადიან, უნდა იცოდნენ, რომ ისინი სასამართლოს დარბაზში, საბოლოოდ კი ციხეში აღმოჩნდებიან", — ამბობს დომინიკ რააბი.
ქვეყნები, რომლებმაც სასამართლოს მიმართეს:
- ალბანეთი;
- ავსტრალია;
- ავსტრია;
- ბელგია;
- ბულგარეთი;;
- კანადა;
- კოლუმბია;
- კოსტა-რიკა;
- ხორვატია;
- კვიპროსი;
- ჩეხეთი;
- დანია;
- ესტონეთი;
- ფინეთი;
- საფრანგეთი;
- საქართველო;
- გერმანია;
- საბერძნეთი;
- უნგრეთი;
- ისლანდია;
- ირლანდია;
- იტალია;
- ლატვია;
- ლიხტენშტეინი;
- ლუქსემბურგი;
- მალტა;
- ნორვეგია;
- ნიდერლანდები;
- ახალი ზელანდია;
- პოლონეთი;
- პორტუგალია;
- რუმინეთი;
- სლოვაკეთი;
- სლოვენია;
- ესპანეთი;
- შვედეთი;
- შვეიცარია;
- დიდი ბრიტანეთი.
როგორც BBC წერს, თუ სასამართო გამამტყუვნებელ განაჩენს მიიღებს, ბრალდებულები უნდა დააკავონ ისეთ ქვეყნებში, რომლებიც აღიარებენ მის იურისდიქციას. შესაძლოა, პუტინს სიცოცხლის ბოლომდე რუსეთსა და მოკავშირე ქვეყნებში მოუწიოს ყოფნა.
დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:
იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
-
-
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
კომენტარები