შვეიცარია ევროკავშირის მიერ რუსეთისთვის დაწესებულ სანქციებს უერთდება. BBC წერს, რომ ქვეყანა გამონაკლისს არ დაუშვებს — 5 ოლიგარქს უკვე აუკრძალეს ქვეყანაში შესვლა და ევროკავშირის სიაში მყოფ 336-ვე პირს, მათ შორის, ვლადიმერ პუტინსა და სერგეი ლავროვს, აქტივებს გაუყინავენ.

შვეიცარიას რუსეთისთვის უკვე ჩაკეტილი აქვს საჰაერო სივრცე, ამასთან მათი მიმართულებით ყველა ფრენა გააუქმეს.

თვეების განმავლობაში პუტინს აფრთხილებდნენ, რომ საერთაშორისო სამართლის დარღვევისა და უკრაინისადმი აგრესიის შემთხვევაში მკაცრ სანქციებს დაუწესებდნენ. დღეს, როცა ესკალაცია სულ უფრო ღრმავდება, ევროკავშირი და აშშ ამბობენ, რომ ეს მხოლოდ დასაწყისია და მოვლენების განვითარების შესაბამისად, შესაძლოა, უფრო მკაცრი შეზღუდვები ამოქმედდეს, რაც იმას ნიშნავს, რომ გაიზრდება სანქცირებულთა სიაც.

ევროკავშირში Russia Today, Sputnik და მათი შვილობილი კომპანიები აიკრძალება. გარდა ამისა, ცნობილი გახდა, რომ სანქციების ახალი პაკეტით ევროკავშირი რუსეთისთვის საჰაერო სივრცეს ხურავს, ოლიგარქების კერძო თვითმფრინავების ჩათვლით. ურსულა ფონ დერ ლაიენის განცხადებით, ისინი ვერ შეძლებენ ევროკავშირის ტერიტორიაზე დაშვებას, აფრენას ან გადაფრენას.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში