კიევში ოკუპანტების მიერ ნასროლი რაკეტა ლობანოვკსის გამზირზე მდგარ საცხოვრებელ კორპუსს მოხვდა. ინფორმაციას საგარეო საქმეთა მინისტრი, დმიტრო კულება ავრცელებს.

"კიევი, ჩვენი ლამაზი ქალაქი. კიდევ ერთი ღამე გაატარა რუსული სახმელეთო ჯარებისა და რაკეტების თავდასხმის ქვეშ. ერთ-ერთი მათგანი საცხოვრებელ კორპუსს შეეჯახა. მსოფლიოსგან მოვითხოვ, რომ რუსეთის ფედერაციის სრულიად იზოლირება მოახდინონ. გააძევეთ ელჩები, ნავთობის ემბარგო, გაანადგურეთ რუსეთის ეკონომიკა. შეაჩერეთ რუსეთის ფედერაციის ომის კრიმინალები", — წერს ის.

Twitter-ზე ვრცელდება ფოტო და ვიდეო მასალა, სადაც დაბომბილი საცხოვრებელი კორპუსი ჩანს. არ გავრცელებულა ცნობები მსხვერპლში შესახებ.

ბოლო ინფორმაციით, დაღუპულია 3 500-ზე მეტი რუსი ჯარისკაცი, ხოლო 200 ტყვედაა აყვანილი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში