უკრაინის ყოფილი პრეზიდენტი, პეტრო პოროშენკო აცხადებს, რომ სანქციები ომს არ იგებს, ის მიზნად რუსეთის დასუსტებას ისახავს და ამიტომ მოითხოვენ უფრო მკაცრ სანქციებს.

"სანქციებით ომს ვერ მოიგებთ, სანქციები მიზნად ისახავს მოწინააღმდეგის დასუსტებას, ამიტომ მოვითხოვთ ჯოჯოხეთურ სანქციებს. მე მტკიცედ ვარ დარწმუნებული, რომ ისინი ამას გააკეთებენ. ჯარის იმედი გვაქვს, უკრაინელი ხალხის იმედი გვაქვს, ჩვენი პარტნიორების იმედი გვაქვს", — აცხადებს პოროშენკო.

მისივე თქმით, პუტინის გადაწყვეტილებამ გადაკვეთა ის ბოლო ხაზი, რაც მას ჰიტლერს აშორებდა.

"კრემლის პარანოიდის გადაწყვეტილებამ გადაკვეთა ის ბოლო ხაზი, რაც მას ჰიტლერს აშორებდა, რაც მიუთითებს იმაზე, რომ მან ომი გამოუცხადა არა დონბასს, არამხოლოდ უკრაინელ ხალხსა და უკრაინის სახელმწიფოს, არამედ მთელ ევროპასა და ცივილიზებულ სამყაროს", — ამბობს უკრაინის ყოფილი პრეზიდენტი.

პუტინმა უკრაინაში ომი დაიწყო, რომელსაც თავად სპეციალურ "სამხედრო ოპერაციას" უწოდებს და მიზეზად ოკუპირებული დონეცკისა და ლუგანსკის სეპარატისტი ლიდერების "დახმარების თხოვნას" ასახელებს. ის ამტკიცებს, თითქოს ეს "ოპერაცია" არის თავდაცვა მათგან, ვინც "უკრაინა ტყვედ აიყვანა". ტრადიციულ პროპაგანდისტულ მოტივებზე პუტინი იმეორებს, რომ არ აპირებს უკრაინის ოკუპაციას და უკრაინელი ხალხის თვითგამორკვევის უფლებას უჭერს მხარს.

უკრაინის შინაგან საქმეთა მინისტრის მრჩეველის, ანტონ გონჩარენკოს განცხადებით, განხორციელდა სარაკეტო დარტყმები სამხედრო ადმინისტრაციის ცენტრებზე, აეროდრომებზე, სამხედრო საცავებზე, კიევთან, ხარკოვთან, დნეპერთან. მისივე თქმით, ხდება საზღვრის საარტილერიო დაბომბვა.

უკრაინის საგარეო საქმეთა მინისტრი, დმიტრი კულება აცხადებს, რომ რუსეთმა მათ წიანააღმდეგ სრულმასშტაბიანი ომი დაიწყო და მშვიდობიან ქალაქები იბომბება. მისი თქმით, უკრაინა თავს დაიცავს და მსოფლიომ პუტინი ახლავე უნდა შეაჩეროს.

უკრაინის პრეზიდენტმა, ვოლოდიმირ ზელენსკიმ სამხედრო მდგომარეობა გამოაცხადა. მან მოუწოდა ხალხს, არ აყვნენ პანიკას. მისი თქმით, ყველაფრისთვის მზად არიან და ყველას დაამარცხებენ.

ამავე თემაზე:

გაიგეთ მეტი: