NATO-ს გენერალურმა მდივნის, იენს სტოლტენბერგის განცხადებით, თუ კრემლის მიზანია, ნაკლები NATO მის საზღვრებთან, მიიღებს მეტ NATO-ს. მისივე თქმით, ის არ ემუქრება რუსეთს, მაგრამ გააკეთებენ ყველაფერს, რათა საკუთარი მოკავშირეები დაიცვან. ამის შესახებ მან მიუნხენის კონფერენციაზე ისაუბრა.

"ჩვენ არ ვემუქრებით რუსეთს ან სხვას, მაგრამ ჩვენ მივიღებთ ყველა საჭირო ზომას მოკავშირეების დასაცავად. სწორედ ამიტომ, რუსეთის აგრესიული ქმედებების საპასუხოდ, ჩვენ ვაძლიერებდით შეკავებისა და თავდაცვის მასშტაბებს. იმისთვის, რომ თავიდან ავიცილოთ არასწორი გათვლა ან გაუგებრობა ერთმანეთის მიმართ ჩვენი მტკიცე ვალდებულების დასაცავად.

ასე რომ, თუ კრემლის მიზანია ნაკლები NATO იყოს რუსეთის საზღვრებზე, ის მხოლოდ მეტ NATO-ს მიიღებს. და თუ მას სურს NATO-ს გაყოფა, ის მხოლოდ უფრო ერთიან ალიანსს მიიღებს", — თქვა სტოლტენბერგმა.

მისივე განცხადებით, უკრაინაში კონფლიქტის რისკი რეალურია. მისი თქმით, ვერ ხედავს რუსეთის მხრიდან დეესკალაციის მცდელობას.

უკრაინის საზღვრებთან დაძაბულობა იმატებს. ამერიკის შეერთებული შტატების პრეზიდენტის, ჯო ბაიდენის განცხადებით, დარწმუნებულია, რომ რუსეთის პრეზიდენტმა მიიღო უკრაინაში შეჭრის გადაწყვეტილება. მისივე თქმით, მიზანში უკრაინის დედაქალაქს, კიევს ამოიღებენ.

18 თებერვალს დონეცკისა და ლუგანსკის თვითგამოცხადებული რესპუბლიკების ლიდერებმა მოსახლეობას ევაკუაციისკენ მოუწოდეს. ისინი ამტკიცებდნენ, თითქოს ზელენსკის ბრძანებით უკრაინის ჯარი თავდასხმას აპირებდა. უკრაინის სამხედრო ძალების მეთაურმა ოკუპირებული ტერიტორიების მაცხოვრებლებს მიმართა და ეს ცნობები უარყო. ამ ცნობებს სიცრუე უწოდა ზელენსკის ოფისმაც. როგორც მათ აღნიშნეს, რუსეთი ყველანაირად ცდილობს მათ პროცოცირებას.

თვითაღიარებულმა ლიდერებმა კი მოუწოდეს ადგილობრივებს, რუსეთის ტერიტორიაზე გადასულიყვნენ. მოგვიანებით ცნობილი გახდა, რომ რუსეთი ამ დასახლებიდან "დევნილებს" ერთჯერადად 10 000 რუბლს გადაუხდის.

უკრაინის საგარეო საქმეთა სამინისტრო აცხადებს, რომ სიმართლეს არ შეესაბამება გავრცელებული ცნობები, დონეცკსა და ლუგანსკზე შეტევის შესახებ. მათივე თქმით, სიცრუეა ისიც, რომ დონბასში დივერსია იგეგმება.