ILGA Eurpe-ს ინფორმაციით, 2025 წელს, საქართველო ევროპაში ლგბტქ+ ადამიანებისთვის ცხოვრების უსაფრთხოების დონის ინდექსის 49 ქვეყნის ჩამონათვალში 44-ე ადგილზეა.

2024 წელს საქართველო 36-ე ადგილზე იყო, რაც იმას ნიშნავს, რომ 2025 წელს საქართველო 8 საფეხურით ჩამოქვეითდა.

ფოტო: Raindow Map

ფოტო: Rainbow Map


საქართველოზე უფრო სახიფათო ქვეყნები ევროპაში ასე გამოიყურება:


45-ე — ბელარუსი;
46-ე — სომხეთი;
47-ე — თურქეთი;
48-ე — აზერბაიჯანი;
49-ე — რუსეთი;

ILGA ლესბოსელთა, გეი, ბისექსუალთა, ტრანსგენდერთა და ინტერსექს ადამიანთა საერთაშორისო ასოციაციაა. ILGA მუშაობს ლგბტქი+ უფლებების დაცვის, წინსვლისა და ცნობიერების ამაღლების მიზნით მსოფლიოს სხვადასხვა ქვეყანაში.

ორგანიზაცია აცხადებს, რომ საქართველოს ეს შედეგი ქართული ოცნების მიერ მიღებულ რუსული სტილის ჰომოფობიურ კანონმდებლობის ბრალია.

შეგახსენებთ, 2024 წლის 17 სექტემბერს, "ოჯახური ღირებულებებისა და არასრულწლოვანის დაცვის შესახებ" კანონპროექტი ოცნების პარლამენტმა მესამე მოსმენით 84 მიიღო.

კანონპროექტის თანახმად, ქორწინება განისაზღვრება, როგორც "ოჯახის შექმნის მიზნით ქალისა და მამაკაცის ნებაყოფლობითი კავშირი, რომელიც საქართველოს კანონმდებლობით დადგენილ მოთხოვნებს აკმაყოფილებს", ხოლო "დაუშვებელია იმ ადამიანის მიერ არასრულწლოვანის შვილად აყვანა, რომელიც თავს არცერთ ბიოლოგიურ სქესს არ მიაკუთვნებს ან თავისი ბიოლოგიური სქესისგან განსხვავებულ სქესს მიაკუთვნებს ანდა მისი სექსუალური ორიენტაცია ჰეტეროსექსუალობის კატეგორიას არ განეკუთვნება".

2025 წლის 4 აპრილს, ქართული ოცნების პარლამენტის ბიუროს გამართულ სხდომაზე ოცნების პარლამენტის თავმჯდომარემ, შალვა პაპუაშვილმა განაცხადა, რომ არსებობს საკანონმდებლო წინადადება ლგბტ მარშების და "შესაბამისი ფერადი ნივთების აკრძალვის შესახებ", რომელიც განსახილველად პარლამენტის ადამიანის უფლებათა კომიტეტს გადაეცემა.

საკანონმდებლო წინადადება გასამხედროებული ორგანიზაცია "მხედრიონის" ერთ-ერთი მეთაურს, დოდო გუგეშაშვილის ორგანიზაციას "დაიცავი შენი წილი სამშობლოს" ეკუთვნის.