"ვთავაზობ "იმედის" ტელევიზიას, რომ დაამტკიცოს, რომ მე ინსტრუქციას ვაძლევ რადიკალურ ოპოზიციას", — ამის შესახებ ჟურნალისტებთან საუბრისას საქართველოში გერმანიის ელჩმა, პეტერ ფიშერმა განაცხადა.

"საქართველოს უნდა, რომ გახდეს ევროკავშირის წევრი, მაგრამ ამავდროულად მკაცრად აკრიტიკებს ევროკავშირს და ავრცელებს მცდარ ინფორმაციას, მე ვიტყოდი დეზინფორმაციას. არ არის კარგი იდეა, რომ ასე ილაპარაკოთ ევროკავშირის შესახებ, თუ გინდათ ამ ორგანიზაციაში გაწევრიანება.

კითხვა მაქვს "იმედის" ტელევიზიისთვის, თქვენ "იმედის" ტელევიზია ხართ? რატომ თქვა "იმედმა" გუშინ, რომ მე ინსტრუქციას ვაძლევ რადიკალ ოპოზიციონერებს? …მე თქვენთვის მაქვს კითხვა, რაზე დაყრდნობით გაავრცელეთ ეს ინფორმაცია? რადგან, ეს ინფორმაცია ყალბია და ვთავაზობ "იმედის" ტელევიზიას, რომ დაამტკიცოს, რომ მე ინსტრუქციას ვაძლევ რადიკალურ ოპოზიციას," — განაცხადა საქართველოში გერმანიის ელჩმა, პიტერ ფიშერმა ("მთავარის" თარგმანი).

ტელეკომპანია იმედის ინფორმაციით, გერმანიის ელჩი პეტერ ფიშერი ოპოზიციონერ აქტივისტებს ბათუმში, ერთ-ერთ კაფეში შეხვდა.