ევროპარლამენტის 17 თებერვლის რეზოლუციაში აღნიშნულია, რომ საქართველოსა და უკრაინას აქვთ ევროპული პერსპექტივა და ევროკავშირს ამის ცნობისაკენ მოუწოდებს.

"საქართველოს და უკრაინას აქვთ ევროპული პერსპექტივა და შეუძლიათ კავშირის წევრობაზე განცხადების გაკეთება, თუ ისინი დაიცავენ კოპენჰაგენის ყველა კრიტერიუმს და დემოკრატიის პრინციპებს, პატივს სცემენ ფუნდამენტურ თავისუფლებებს, უმცირესობების უფლებებს, დაიცავს კანონის უზენასეობას, ამიტომ მოუწოდებს, ევროკავშირსა და წევრ ქვეყნებს, რომ ცნონ საქართველოსა და უკრაინის ევროპული პერსპექტივა, რაც ქვეყნების უსაფრთხოებისა და სტაბილურობისათვის სასიცოცხლოდ მნიშვნელოვანია, ისევე, როგორც მამოძრავებელი ძალა იმისათვის, რომ შიდა რეფორმების განხორციელება გააგრძელონ", — აღნიშნულია რეზოლუციაში.

დოკუმენტში ცვლილება ევროპარლამენტარი ანა ფოტიგას ინიციატივით შევიდა. მან ტვიტერზე დაწერა, რომ ცვლილება ანგარიშში საქართველოსა და უკრაინის ევროპული პერსპექტივის შესახებ დღეს მიიღეს.