სამყარო საოცარი ცხოველებით, ფრინველებით, მწერებითა თუ სხვა არსებებითაა სავსე. ადამიანები ზოგჯერ წლების განმავლობაში ისე ვცხოვრობთ, რომ უამრავი მათგანის არსებობის შესახებ არც კი გაგვიგია. საბედნიეროდ, სწავლა და მეტის გაგება გვიანი არასდროსაა.

სწორედ ამ მიზნით რედიტის მომხმარებლებმა ერთმანეთს ისეთი ცხოველები გააცნეს, რომელთა არსებობის შესახებაც სულ ცოტა ხნის წინ შეიტყვეს. მათგან 10 ყველაზე საოცარ არსებას წარმოგიდგენთ:

1. დიკ-დიკი

მინიატურული და მშვენიერი ანტილოპა დიკ-დიკი ცენტრალურ და აღმოსავლეთ აფრიკაში ბინადრობს. ეს ციცქნა არსება დისნეის ანიმაციის გმირს უფრო ჰგავს, ვიდრე ნამდვილ ცხოველს.

2. ენოტისმსგავსი ძაღლი (იაპონურად — ტანუკი)

ეს მსუნაგი ცხოველი მოსავლის განადგურებითაა ცნობილი. ძირითადად იაპონიაში, ჩინეთსა და კორეაში ბინადრობს და ნამდვილი ცხოველის ნაცვლად, სათამაშო გეგონებათ.

3. პანგოლინი

ეს არსება დრაკონი არ გეგონოთ. პანგოლინების სხეული უმეტესად ქერცლითაა დაფარული და გრძელი ენა აქვთ, რომლითაც ჭიანჭველებს მიირთმევენ. ისინი აფრიკასა და სამხრეთ-აღმოსავლეთ აზიაში ბინადრობენ.

4. მალაიური, ე.წ. "მზის" დათვი

მსოფლიოში ყველაზე პატარა დათვი ჩინეთში, მიანმარში, მალაიზიაში, ინდოეთისა და ბორნეოს კუნძულებზე ბინადრობს. მას გულზე ოქროსფერი ლაქა აქვს, რის გამოც "მზის დათვსაც" უწოდებენ. "მზის დათვებს" სხვა დათვებისთვის უჩვეულო გრძელი ენა აქვთ.

5. გავიალი

ვიწრო და გრძელი დინგის მქონე გავიალი ინდოეთი მდინარეებში შეგხვდებათ. ის, უმეტესად, თევზებით, ფრინველებითა და მცირე ზომის ძუძუმწოვრებით იკვებება.

6. ბინტურონგი

ბინტურონგს ხშირად "კატისებრ დათვსაც" უწოდებენ, რადგან ორივე ცხოველს ჰგავს. ის სამხრეთ-აღმოსავლეთ აზიაში ბინადრობს.

7. ტასმანიური ეშმაკი

ტასმანიური ეშმაკი ყველაზე დიდი ჩანთოსანი ხორცისმჭამელია. ტასმანიური ეშმაკები ტასმანიის გარდა ავსტრალიაშიც ბინადრობენ.

8. წითელი პანდა

წითელი პანდა ფოტოშოპის გამოყენებით შექმნილ ცხოველს ან ანიმაციის გმირს უფრო ჰგავს, ვიდრე ნამდვილ არსებას. წითელი პანდები ჩინეთში ბინადრობენ და მცენარეებით იკვებებიან.

9. აქსოლოტლი

აქსოლოტლის ერთხელ ნახვა საკმარისია იმისათვის, რომ ეს საოცარი არსება არასდროს დაგავიწყდეს. ველურ ბუნებაში მცხოვრები აქსოლოტლები ქალაქ მეხიკოს ორ ტბაში ბინადრობდნენ, თუმცა ახლა გადაშენების პირას არიან.

10. ტაპირი

მოგრძო დინგის მქონე შავ-თეთრი ტაპირი აზიაში, ცენტრალურ და სამხრეთ ამერიკაში ბინადრობს. ტაპირები მცენარეებით იკვებებიან.