ადამიანის უფლებების სწავლებისა და მონიტორინგის ცენტრი (EMC) 2017 წლის 13 აპრილს, პარლამენტში, კომიტეტების გაერთიანებულ სხდომაზე, სახელმწიფო უსაფრთხოების სამსახურის (სუს) ანგარიშის განხილვის დიდი ნაწილი დაიხურა.

თავდაცვისა და უშიშროების კომიტეტის თავმჯდომარემ სხდომის დახურვის საფუძვლად სახელმწიფო საიდუმლოებას მიკუთვნებულ ინფორმაციაზე შესაძლო საუბარი მიუთითა.

EMC უარყოფითად აფასებს სუს-ის ანგარიშის მოსმენის დახურვას, რადგან ამით დაინტერესებულ ჯგუფებს დასწრებისა და კითხვების დასმის შესაძლებლობა არ მიეცათ.

EMC აცხადებს, რომ სუსის საქმიანობის მიმართ მაღალი ინტერესის არსებობს და საზოგადოებრივი კონტროლის სხვა ფორმატი შექმნილი არ არის.

საქართველოს კანონმდებლობის თანახმად, კომიტეტების სხდომები საჯაროა და მათი დახურვა მხოლოდ განსაკუთრებულ შემთხვევებშია შესაძლებელი. სხდომის დახურვისთვის აუცილებელია, რომ არსებობდეს გარემოებები, რომელიც გადაწონის ღია და საჯარო სხდომის გამართვის მიმართ არსებულ ლეგიტიმურ საზოგადოებრივ ინტერესს.

EMC მიიჩნევს, რომ კომიტეტის თავმჯდომარის განმარტება, რომ ანგარიშის მოსმენისას შესაძლოა სუს-ის წარმომადგენლის მხრიდან გახმაურებულიყო სახელმწიფო საიდუმლოების შემცველი ინფორმაცია პრობლემურია და ვერ ამართლებს სხდომის დახურვის გადაწყვეტილებას.

"პარლამენტის მიერ საკომიტეტო მოსმენის დახურვა არ იყო გამიზნული სახელმწიფო საიდუმლოებას მიკუთვნებული ინფორმაციის დასაცავად და ამასთან, ეს პროცესი პროცედურულადაც იყო ხარვეზიანი".

EMC საქართველოს პარლამენტს მოუწოდებს:

  • რეალურად განახორციელოს მისთვის დაკისრებული უმნიშვნელოვანესი კონსტიტუციური უფლებამოსილება, რაც გულისხმობს ეფექტური საპარლამენტო კონტროლის განხორციელებას;
  • დაიცვას ღიაობის და გამჭვირვალობის ის მინიმალური სტანდარტები, რაც დემოკრატიული საზოგადოების აუცილებელ ელემენტს წარმოადგენს;
  • შეიმუშავოს საპარლამენტო კონტროლის სპეციალური მექანიზმი, რომელიც უზრუნველყოფს სუს-ზე ეფექტური ზედამხედველობის განხორციელებას იმგვარად, რომ საფრთხე არ შეექმნას სახელმწიფო საიდუმლოებას მიკუთვნებულ ინფორმაციას;
  • უზრუნველყოს საზოგადოებრივი ჩართულობა აღმასრულებელი უწყებების საქმიანობაზე კონტროლის განხორციელებისას.