ნაციონალურმა მოძრაობამ საკონსტიტუციო კომისია დატოვა. ამის შესახებ პარტიის ერთ-ერთმა წევრმა, რომან გოცირიძემ პრესკონფერენციაზე განაცხადა.

გოცირიძის თქმით, ნაციონალური მოძრაობა, ისევე როგორც კომისიაში შემავალი არასამთავრობო ორგანიზაციები და პოლიტიკური პარტიები ცდილობდნენ საკონსტიტუციო კომისიის მუშაობა ყოფილიყო ქვეყანაში დემოკრატიული პროცესებისკენ მიმართული.

"აღმოჩნდა, რომ ხელისუფლებას ამოძრავებდა სხვა მიზნები, რომლებიც გამოიხატებოდა ძალაუფლების უზურპაციაში და ეს კომისია გამოყენებული იყო სწორედ ამ მიზნების მისაღწევად,"- აღნიშნა გოცირიძემ და დასძინა, რომ კონსტიტუციის ის ვერსია, რომელიც მმართველი პარტიისათვისაა მისაღები ადამიანებს თავისუფალ არჩევანის უფლებას უზღუდავს.

"მნიშვნელოვანია, ის ფაქტი, რომ ამ კომისიის მუშაობით მიღებულ დოკუმენტში, ფაქტობრივად, ქუთაისი, როგორც საპარლამენტო დედაქალაქი არის გაუქმებული და ხდება რეგიონული პრინციპების დასუსტება, რაც ასევე უკან გადადგმული ნაბიჯია ქვეყნის განვითარების თვალსაზრისით," - თქვა ნაციონალური მოძრაობის ერთ-ერთმა ლიდერმა.

მისივე თქმით, მათ სჯერათ, რომ საერთაშორისო ორგანიზაციები, ისევე როგორც ვენეციის კომისია, შექმნილ ვითარებაზე გაამახვილებს ყურადღებენ.

საკონსტიტუციო კომისია რამდენიმე დღის წინ პარტიამ სახელმწიფო ხალხისთვის დატოვა.