პოლონეთის პრეზიდენტის, ანდჟეი დუდას განცხადებით, მას საქართველოსთან განსაკუთრებული გრძნობა და მეგობრული ურთიერთობა აკავშირებს, ვინაიდან ეს არის ქვეყანა, სადაც 2008 წელს ჩამოვიდა ლეხ კაჩინსკი და მნიშვნელოვანი იყო, რომ მხარს უჭერდნენ საქართველოს.

"ძალიან დიდი მადლობა ქალბატონო პრეზიდენტო ამ მოწვევისთვის. იმისთვის რო მომეცა შესაძლებლობა, ჩამოვსულიყავი საქართველოში, თბილისში, რომ გამეზიარებინა ჩემი ცოდნა და ინფორმაცია არსებული სიტუაციის შესახებ. რა თქმა უნდა, ჩვენ შეგვიძლია ვთქვათ, რომ ეს არ არის მხოლოდ ევროპის საქმე, თამამად შემიძლია აღვნიშნო, რომ ეს არის მთელი მსოფლიოსთვის მნიშვნელოვანი საკითხი.

მე მქონდა შეხვედრები სხვადასხვა ქვეყნის პრეზიდენტთან, ასევე ჩინეთის პრეზიდენტთან, გაეროს წარმომადგენლებთან, საფრანგეთის პრეზიდენტთან. მინდა აღვნიშნო, რომ უაღესად მნიშვნელოვანია ჩვენი ერთობლივი ქმედება. მინდა აღვნიშნო, რომ ორშაბათს დაგეგმილია შეხვედრა და შემდგომი კონსულტაციები ამ საკითხთან დაკავშირებით. […]

მე მინდა, კიდევ ერთხელ ძალიან დიდი მადლობა გადავუხადო ქალბატონ პრეზიდენტს. მინდა აღვნიშნო, რომ ჩემთვის ძალიან მნიშვნელოვანია ის, რომ აქ განხორციელდა კონსულტაციები მნიშვნელოვან საკითხებთან დაკავშირებით. მე, ასევე, მინდა აღვნიშნო, რომ საქართველოსთან მე მაკავშირებს განსაკუთრებული გრძნობა და მეგობრული ურთიერთობა. ვინაიდან, საქართველო არის ის ქვეყანა, სადაც 2008 წელს ჩამოვიდა ჩემი პრეზიდენტი, ჩვენი ქვეყნის პრეზიდენტი ბატონი ლეხ კაჩინსკი და ეს ჩვენთვის ძალიან მნიშვნელოვანი იყო, ვინაიდან ჩვენ მხარს ვუჭერთ საქართველოს", — განაცხადა მან.

პრეზიდენტებმა ისაუბრეს საქართველოს მიმართ რუსეთის აგრესიაზეც. დუდას განცხადებით, საქართველოს აქვს ტრაგიკული გამოცდილება რუსეთთან დაკავშირებით და მნიშვნელოვანია, რომ ზურაბიშვილმა ამაზე მოსაზრება მკაფიოდ აღნიშნა.

მისივე თქმით, მნიშვნელოვანია, ერთობლივი კონსულტაციები და მეტი ძალისხმევის გამოჩენა ამ კუთხით, ვინაიდან ამას დიდი მნიშვნელობა აქვს უკრაინის უსაფრთხოებაზე.

"მინდა აღვნიშნო, რომ ძალიან მნიშვნელოვანია გაეცნოთ პოლონეთის ხედვას ამ კონკრეტულ საკითხზე. ასევე, მინდა აღვნიშნო, რომ მქონდა კონსულტაციები აშშ-ის პრეზიდენტთან, ჯო ბაიდენთან და მინდა, წარმოგიდგინოთ ის ინფორმაცია, რომელიც ჩვენ, ევროკავშირის ქვეყანას გააჩნია უკრაინაში არსებული სიტუაციის შესახებ და უკრაინის ირგვლივ. ასევე, მინდა ვთქვა, რომ ჩვენი თანამშრომლები მუშაობენ მუდმივად ამ საკითხთან დაკავშირებით.

უნდა აღვნიშნო, რომ საქართველოს აქვს ტრაგიკული გამოცდილება რუსეთთან დაკავშირებით და ჩემთვის ძალიან მნიშვნელოვანია, რომ ქალბატონმა პრეზიდენტმა თავისი მოსაზრება ამ საკითხთან დაკავშირებით ძალიან მკაფიოდ აღნიშნა. ასევე, მინდა ვთქვა, რომ ძალიან მნიშვნელოვანია, რომ ჩვენი ერთობლივი კონსულტაციები, ასევე, ძალიან ეფექტური კონსულტაციები, მეტი ძალისხმევა გამოვიჩინოთ მაგ კუთხით, ვინაიდან ამას აქვს ძალიან დიდი მნიშვნელობა უკრაინის უსაფრთხოებასთან დაკავშირებით.

მინდა აღვნიშნო, რომ ჩვენ გამოვხატავთ ჩვენს სოლიდარობას და ძალიან მნიშვნელოვანია ყველა საკითხი, რომელიც არის უსაფრთხოებასთან დაკავშირებით", — განაცხადა ანდჟეი დუდამ.

მისივე თქმით, მომდევნო კვირაში გეგმავს ვიზიტებს და კონსულტაციებს ბრიუსელსა და ბერლინში. პოლონეთის პრეზიდენტმა აღნიშნა, რომ საქართველოს პრეზიდენტის მიწოდებული ინფორმაცია და კონსულტაციები მისთვის ძალიან მნიშვნელოვანი იყო.

პოლონეთის პრეზიდენტი საქართველოში გავლით არის, ტრანზიტული რეისის გამო. სწორედ ამიტომ, ზურაბიშვილმა მასთან საერთო ბრიფინგი აეროპორტში გამართა. ორივე პრეზიდენტმა გამოხატა უკრაინის მიმართ სოლიდარობა და დაგმო რუსეთის ქმედებები.

გაიგე მეტი:

• მუქარა, საზღვართან ძალების გაზრდა ნიშნებია იმისა, რამდენად გადავიდა რუსეთი პროვოკაციაზე — ზურაბიშვილი
• ზურაბიშვილი: ამ დაძაბულ ვითარებაში მინდა გამოვხატო სოლიდარობა მეგობარი უკრაინის მიმართ