აშშ-ის პრეზიდენტის, ჯო ბაიდენის განცხადებით, სპეცოპერაციის დროს ISIS-ის ლიდერი, აბუ იბრაჰიმ ალ-ჰაშიმი მოკლეს. მედიები ადგილობრივ წყაროებზე დაყრდნობით წერენ, რომ არიან სხვა დაღუპულებიც.

"ჩემი მითითებით, წუხელ ღამე აშშ-ის სამხედრო ძალებმა ჩრდილო-დასავლეთ სირიაში წარმატებით ჩაატარეს კონტრტერორისტული ოპერაცია, რათა ამერიკელი ხალხი და ჩვენი პარტნიორები დაიცვან, ხოლო მსოფლიო უფრო უსაფრთო ადგილად აქციონ", — თქვა ბაიდენმა.

CNN-ის ცნობით, სირიის სამოქალაქო თავდაცვის ჯგუფის თანახმად, მოკლულია, სულ მცირე, 13 ადამიანი, მათ შორის, 6 ბავშვი. პენტაგონის თქმით, სპეცოპერაციას აშშ-ის მხრიდან მსხვერპლი არ მოჰყოლია.