საქართველოს შინაგან საქმეთა სამინისტრომ ბრიტანელ ტურისტზე თავდასხმაზე გამოძიება დაიწყო. როგორც On.ge-ს უწყებაში უთხრეს, გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.

კითხვაზე, დაკავებულია თუ არა ბრალდებული, შსს-ში ამბობენ, რომ მიმდინარეობს საგამოძიებო მოქმედებები.

დიდი ბრიტანეთის მოქალაქე ამბობს, რომ 13 იანვრის ღამეს ქუთაისში პირსინგის გამო თავს დაესხნენ და სცემეს. 27 წლის ბიჭი On.ge-ს უყვება, რომ ბარში მეგობარ გოგოსთან ერთად იყო, რა დროსაც იქ მყოფმა ერთმა კაცმა აგრესიული კომენტარი გააკეთა მის პირსინგზე, ბარიდან წამოსვლის შემდეგ კი თეთრ ხიდთან დახვდა და ფიზიკურად გაუსწორდა.