გიგა ჭიკაძე UFC-ში 2022 წლის 16 იანვარს კელვინ კატართან გამართავს ორთაბრძოლას, რომელიც საღამოს მთავარი დაპირისპირება იქნება. ამ მომენტისთვის ქვემსუბუქ წონაში გიგა მე-8 პოზიციაზეა, ხოლო კელვინ კატარი კი მე-5 პოზიციას იკავებს.

გიგას UFC-ში ამჟამად სტატისტიკა 7-0 აქვს, საიდანაც ბოლო ისტორიულ ბრძოლაში დაპირისპირების მე-3 რაუნდში ბრაზილიელი ედსონ ბარბოსა ტექნიკური ნოკაუტით დაამარცხა, ხოლო კატარის დამარცხების შემთხვევაში, MMA-ის ქართული ისტორიის განმავლობაში რეიტინგში საუკეთესო შედეგს დააფიქსირებს და ერთი ნაბიჯით მიუახლოვდება ქამარს.

"თავს ძალიან კარგად ვგრძობ, წონის კლებაც კარგად მიმდინარეობს, ცოტა დამრჩა დასაკლები, ერთი სული მაქვს როდის დადგება ის მომენტი, რომ ოქტაგონში შევიდე და გავაკეთო ის, რაც ყველაზე კარგად გამომდის", — განაცხადა გიგა ჭიკაძემ.

გიგა ჭიკაძე პირველი ქართველი სპორტსმენია, რომელიც მედისონ სქვეარ გარდენში გამართულ ბრძოლაში მონაწილეობდა, ასევე იგი მსოფლიო ჩემპიონია კარატეში, კიკბოქსინგსა და ჯიუჯიცუში.

კომპანია აჭარაბეთისთვის მნიშვნელოვანი მიმართულებაა ქართველი სპორტსმენების მხარდაჭერა. კომპანია მუდმივად ცდილობს გაზარდოს ქართველი სპორტსმენების ცნობადობა, მისცეს მათ შესაძლებლობა გამოავლინონ საკუთარი პოტენციალის მაქსიმუმი და იასპარეზონ მნიშვნელოვან შეჯიბრებსა თუ ტურნირებში.