დაავადებათა კონტროლის ეროვნული ცენტრის ხელმძღვანელი, ამირან გამყრელიძე აცხადებს, რომ კორონავირუსის დადასტურებული შემთხვევებიდან 10% ომიკრონია. მისივე თქმით, ახალი შტამის ლაბორატორიულად გამოვლენილი რაოდენობა დღესაც იგივე რჩება, თუმცა ასეულობით შემთხვევას იკვლევენ და სავარაუდოა, რომ მომავალ დღეებში ეს რიცხვი გაიზრდება.

გამყრელიძე ამბობს, რომ ახალი შტამით ინფიცირების დადასტურებული 600 შემთხვევიდან ამ დრომდე, ჰოსპიტალში მხოლოდ 8 ადამიანი მოხვდა.

"დღეს, დიდი ალბათობით, საერთო დადასტურებული შემთხვევების 10% შეგვიძლია ვთქვათ, რომ არის ომიკრონი [...] იმატებს, თვითონ, ბავშვთა ასაკში, ანუ 18 წლამდე ბავშვთა და მოზარდთა ასაკში შემთხვევების რაოდენობა. ჯერჯერობით, ჰოსპიტალურ სექტორზე დატვირთვა არ იზრდება, მაგრამ იზრდება ლაბორატორიულ და ამბოლატორიულ სექტორზე. ჰოსპიტალში თუ მოხვდა ამ 600 შემთხვევიდან 8 ადამიანი", — განაცხადა მან რუსთავი 2-თან.

9 იანვრის მონაცემებით, საქართველოში კორონავირუსის 3 842 ახალი შემთხვევა დადასტურდა, გამოჯანმრთელდა 777 ხოლო გარდაიცვალა — 31 ადამიანი.

ბოლო 24 საათში ქვეყნის მასშტაბით ჩატარდა 34 000 კვლევა ტესტით. მათ შორის ანტიგენის სწრაფი ტესტით — 21 147, ხოლო PCR-ით — 12 843.

ჯანდაცვის სპეციალისტების პროგნოზით, თებერვალში კორონავირუსის ომიკრონის შტამი სრულად ჩაანაცვლებს არსებულ დელტა შტამს.

გაიგე მეტი: