იაშვილის სახელობის ბავშვთა ცენტრალური საავადმყოფოს სამედიცინო დირექტორი, ივანე ჩხაიძე აცხადებს, რომ კორონავირუსის მე-5 ტალღა საქართველოში უკვე ჩამთავრების სტადიაშია. ჩხაიძეს ამას ინფიცირების საშუალო მაჩვენებლისა და კლინიკებში თავისუფალი საწოლების რაოდენობის საფუძველზე ამბობს.

"შვიდი დღის განმავლობაში ინფიცირების საშუალო მაჩვენებელი პირველად ჩამოცილდა 2 ათასის ფარგლებს. ბოლოს ასეთი შემთხვევა იყო ოქტომბრის დასაწყისში. თავისუფალი საწოლების რაოდენობა კლინიკებში, აქაც ძალიან მნიშვნელოვანი განსხვავებაა — პირველად უკვე რამდენიმე თვეა საქართველოში არ ყოფილა 4 ათასზე მეტი თავისუფალი საწოლი.

ამ პარამეტრებით შეიძლება ითქვას, რომ საქართველოში კორონავირუსის პანდემიის მე-5 ტალღა ნამდვილად ჩამთავრების სტადიაშია — ეს მონაცემები მკვეთრად მიუთითებენ, რომ მე-5 ტალღის პიკი უკვე გადავლილია, მაგრამ არის მეორე საფრთხე. ეს არის ომიკრონი", — განაცხადა ჩხაიძემ იმედთან საუბრისას.

2 იანვრის მონაცემებით, საქართველოში კორონავირუსის 796 ახალი შემთხვევა დადასტურდა, გამოჯანმრთელდა 3 291, ხოლო გარდაიცვალა — 45 ადამიანი. გარდა ამისა, დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, 31 დეკემბრის მონაცემებით საქართველოში ლაბორატორიულად დადასტურებულია კორონავირუსის ახალი შტამის, ომიკრონის 144 შემთხვევა.