დეპარტამენტის ცნობით, თბილისი-სენაკი-ლესელიძის გზაზე მოძრაობა თავისუფალია, თუმცა გზების ნაწილზე კვლავ აკრძალულია ყველა სახის ავტოტრაპოსპორტის გადაადგილება. კერძოდ:

  • ზვავსაშიშროების გამო გადაადგილება შეზღუდულია ამბროლაურის საავტომობილო გზის 43-45კმ (ნაქერალას უღელტეხილი) მონაკვეთზე;
  • რთული მეტეოროლოგიური პირობების (თოვა, ქარბუქი, შეზღუდული ხილვადობა) გამო გადაადგილება შეზღუდულია კოდა-ფარცხისი-მანგლისი-წალკა-ნინოწმინდის საავტომობილო გზის 94-110კმ (ფარავანის უღელტეხილი) მონაკვეთზე;

  • დაზიანებული და წაქცეული გარე განათების ელექტროგადამცემი ბოძების გამო კი გადაადგილება შეზღუდულია ქუთაისი-ბაღდათი-აბასთუმანი-ბენარას საავტომობილო გზის 90კმ (ყანობილის ასახვევი) მონაკვეთზე.

უწყების ცნობით, ზუგდიდი-ჯვარი-მესტია-ლასდილის საავტომობილო გზის 70-186კმ (ხაიში-უშგული) მონაკვეთზე მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობაა აკრძალული. იმავე ტიპის ტრანსპორტის გადაადგილებაზე შეზღუდვაა დაწესებული საავტომობილო გზის 30-186კმ (ჯვარი-უშგული), ქუთაისი-წყალტუბო-ცაგერი-ლენტეხი-ლასდილის საავტომობილო გზის 28-125კმ (ყუმისთავი-მელე), ალპანა-ცაგერის საავტომობილო გზის 1-22კმ მონაკვეთზეც.

ინტენსიური თოვის გამო, საჩხერე-ონის საავტომობილო გზაზე ტრაილერების გადაადგილებაა აკრძალული, ხოლო დანარჩენი სახის ავტოტრანსპორტის მოძრაობა თავისუფალია. გადაადგილება დაშვებულია საავტომობილო გზის 1-70კმ (ზუგდიდი-ხაიში) მონაკვეთზეც.

რაც შეეხება ბათუმი-ახალციხის საავტომობილო გზას, 86-106კმ მონაკვეთზე, მხოლოდ მაღალი გამავლობის ავტოტრანსპორტის მოძრაობაა დასაშვები, ხოლო დანარჩენი სახის ავტოტრანსპორტის მოძრაობა აკრძალულია.

საავტომობილო გზების დეპარტამენტი მოსახლეობას ზამთრის პერიოდისთვის შესაბამისი საბურავებით გადაადგილებისა და საავტომობილო გზებზე დაწესებული რეჟიმის დამორჩილებისკენ მოუწოდებენ.