ჯანდაცვის მინისტრმა, ზურაბ აზარაშვილმა ახალ მოადგილედ ილია ღუდუშაური წარადგინა. ინფორმაციას ამის შესახებ ჯანდაცვის სამინისტრო ავრცელებს.

უწყების ცნობით, ღუდუშაური სამინისტროს საფინანსო-ეკონომიკურ მიმართულებას უხელმძღვანელებს. სამინისტროს განცხადებაში ნათქვამია, რომ მინისტრის ახალი მოადგილე საგანმანათლებლო და სამეცნიერო ინფრასტრუქტურის განვითარების სააგენტოს დირექტორი იყო, ხოლო 2017-2018 წლებში მუნიციპალური განვითარების ფონდის დირექტორის მოადგილის თანამდებობასაც იკავებდა.

ამ მიმართულებას დღემდე გიორგი წოწკოლაური ხელმძღვანელობდა. როგორც უწყებაში On.ge-ის განუცხადეს, მან თანამდებობა დატოვა, თუმცა მიზეზი უცნობია.

ჯანდაცვის ახალი მინისტრად ზურაბ აზარაშვილი პრემიერმინისტრმა, ირაკლი ღარიბაშვილმა 27 დეკემბერს დაასახელა. აზარაშვილის წარდგენისას ღარიბაშვილმა თქვა, რომ მის მენეჯერულ უნარებში თავდაცვის მინისტრობის პერიოდში დარწმუნდა. აზარაშვილმა ჯანდაცვაში სწორედ თავდაცვის სფეროდან გადაინაცვლა. აქამდე იგი თავდაცვის მინისტრის მოადგილის პოსტს იკავებდა.

გაიგე მეტი: