პრემიერმინისტრი, ირაკლი ღარიბაშვილი აცხადებს, რომ პრეზიდენტ სალომე ზურაბიშვილის ინიციატივას ეროვნული თანხმობის მიღწევის შესახებ სკეპტიკურად უყურებს. ის ამბობს, რომ ეთანხმება იმ სასულიერო პირებს, რომლებიც აცხადებენ, რომ შერიგებამდე დანაშაულის აღიარებაა საჭირო.

"ძალიან ბევრი მეუფეს და სასულიერო პირის განცხადება მოვისმინე და მე ვეთანხმები, სრულიად ვიზიარებ [მათ პოზიციას] — თუ ადამიანი არ მოინანიებს, ჯერ ერთი არ აღიარებს თავის დანაშაულს, თუ არ დავარქმევთ სახელს ყველაფერს და თუ არ გეტყვის ადამიანი, რომ კი, ასეა ნამდვილად, მე წარმოუდგენლად მიმაჩნია უბრალოდ, ძალან რთულად მესახება ეს ყოველივე. თუმცა, მე, რა თქმა უნდა, მომხრე ვარ, რომ ქვეყანაში არ იყოს პოლარიზება [...]

თუ ვინმეს მოუნდება აღიარება, პოლიტიკის შეცვლა, რადიკალიზმზე უარის თქმა და რევანშზე უარის თქმა და ა.შ. რა თქმა უნდა, ჩვენ ეს გაგვიხარდება, მაგრამ სიმართლე გითხრათ, რთულად მესახება ეს პროცესი, იმიტომ, რომ ვუყურებ რა ამ ადამიანების ქმედებებს და ა.შ. მე ვფიქრობ, რომ ეს რთული გასაკეთებელი იქნება. თუმცა გამიხარდებოდა. წარმატებას ვუსურვებ ამ იდეის ავტორს", — განაცხადა ღარიბაშვილმა იმედის ეთერში.


16 დეკემებერს სალომე ზურაბიშვილმა საახალწლო მიღებაზ სპეციალურ საახალწლო მიღებაზე, როგორც ხელისუფლება, ისე საპარლამენტო და არასაპარლამენტო ოპოზიციის წარმომადგენლები მიიწვია და ქვეყანაში არსებულ პოლარიზაციაზე ისაუბრა. ზურაბიშვილმა პოლარიზაციის გადაჭრის გზად სწორედ ერთიანი ძალისხმევა დაასახელა. მისი განცხადებით, შერიგება ვერ იქნება წინაპირობა, რადგან ის არის შედეგი. მისივე თქმით, პროცესი უნდა დაიწყოს მოსმენით, აზრების გაცვლით, გაგრძელდეს სიმართლის გაგებითა და შემდეგ შეიძლება, საბოლოო მიზანს მიაღწიო.

საახალწლო მიღების შემდეგ პრეზიდენტი ეროვნულ თანხმობაზე სასაუბროდ ინდივიდუალურ შეხვედრებს მართავს პოლიტიკოსებთან, რელიგიური კონფესიების წარმომადგენლებთან, არასამთავრობო ორგანიზაციის წარმომადგენლებთან, სახალხო დამცველთან და სახელმწიფო ინსპექტორთან. სწორედ ამ ფორმატში შეხვდა ზურაბიშვილი მარგველაშვილს 20 დეკემბერს.

გაიგე მეტი: