როგორც უკვე იცით, DC კომიქსების გამოგონილი პერსონაჟებს შორის ერთ-ერთი ქალი კატაა, რომელიც ბილ ფინგერმა და ბობ კეინმა უარყოფით პერსონაჟად ჩაიფიქრეს, შთაგონების წყარო კი ლეგენდარული მსახიობი ჰედი ლამარი იყო.

DC-ის სცენარისტებს სურდათ, რომ სექსუალური გმირი შეექმნათ, რომელიც ბეტმენის ქალური ვარიანტი იქნებოდა და მდედრობითი სქესის მკითხველებსაც მიიზიდავდა. საბოლოო ჯამში ის ბეტმენის ინტერესის საგანი გახდა და ამავდროულად იყო მისი გამოწვევა - დამნაშავე რომელიც უნდა გამოესწორებინა.

პერსონაჟის დებიუტი ჯერ კიდევ 1940 წელს ბეტმენის კომიქსში შედგა, სადაც ის მისტიური ქურდი და ძვირფასი ქვების გამტაცებელი იყო.

1960-იან წლებიდან ქალი კატა აქტიურად ჩნდება კინო და ტელე ეკრანზე.

1992 წელს კი, მისი როლი მსახიობმა მიშელ ფაიფერმა ფილმში ბეტმენი ბრუნდება ითამაშა, მოგვიანებით ის ჰოლი ბერიმ განასახიერა, შემდეგ კი იყო ენ ჰეთეუეი, რომელმაც ეს როლი კრისტოფერ ნოლანის შავი რაინდის აღზევებაში შეასრულა.

როგორც მსახიობი იხსენებს, როდესაც როლზე დამტკიცების შესახებ გაიგო, შოკში ჩავარდა:

"კასტინგი გავიარე, რამდენიმე დღეში ჩემმა აგენტმა დამირეკა და მითხრა, რომ ჩემთვის კარგი ამბავი ჰქონდა, ისეთი, რომ აჯობებდა დავმჯდარიყავი. არ მოვუსმინე და სიხარულისგან ყვირილი დავიწყე - ღმერთო ჩემო, მე ქალი კატა ვარ, ქალი კატა ვარ და დავრბოდი მთელს ოთახში, ასეთი შოკი არასდროს მქონია. ჩემმა აგენტმა მთხოვა დავწყნარებულიყავი და მითხრა, რომ ქალი კატის შესახებ არ მირეკავდა და რომ ოსკარის დაჯილდოების წამყვანად მიმიწვიეს."

"არ ვიცოდი რა მექნა ოსკარის ამბავი მიხაროდა, მაგრამ მინდოდა ქალი კატა ვყოფილიყავი. აგენტმა რამდენიმე წუთში გადმომირეკა და მითხრა, რომ ეს როლიც მივიღე. ყველაზე ბედნიერი ვიყავი", - იხსენებს ჰეთეუეი.

შავი რაინდის აღზევების ნახვა შაბათს 8 აპრილს 01:45 საათზე, ტელეკომპანია GDS-ზე შეგიძლიათ.