DC კომიქსების გამოგონილი პერსონაჟებს შორის ერთ-ერთი ქალი კატაა, რომელიც ბილ ფინგერმა და ბობ კეინმა უარყოფით პერსონაჟად ჩაიფიქრეს, შთაგონების წყარო კი ლეგენდარული მსახიობი ჰედი ლამარი გახდა.

ფოტო: Getty

სცენარისტებს სურდათ რომ შეექმნათ სექსუალური გიმირი, რომელიც ბეტმენის ქალური ვარიანტი იქნებოდა და მდედრობითი სქესის მკითხველებსაც მიიზიდავდა. საბოლოო ჯამში ის ბეტმენის ინტერესის საგანი გახდა და ამავდროულად იყო მისი გამოწვევა - დამნაშავე რომელიც უნდა გამოესწორებინა.

პერსონაჟის დებიუტი ჯერ კიდევ 1940 წელს ბეტმენის კომიქსში შედგა, სადაც ის მისტიური ქურდი და ძვირფასი ქვების გამტაცებელი იყო.

ფოტო: DC

1960-იან წლებიდან ქალი კატა აქტიურად ჩნდება კინო და ტელე ეკრანზე.

1992 წელს კი, მისი როლი მსახიობმა მიშელ ფაიფერმა ითამაშა ფილმში ბეტმენი ბრუნდება.

ფოტო: Getty

2004 წელს გამოსულ ფილმში ქალი-კატა, რომელიც უშუალოდ ქალი-კატას ისტორიას მოგვითხრობდა, მისი როლი ჰოლი ბერიმ შეასრულა. კრისტოფერ ნოლანის ფილმში, ბნელი რაინდი: აღზევება, ქალი კატა მსახიობი ენ ჰეთეუეი ხდება.

ვინაიდან და რადგანაც, ქალი-კატის შესახებ არა ერთი საინტერესო ისტორია არსებობდა, საჭირო იყო მის შესახებ დამოუკიდებელი ფილმის გადაღება. თუმცა ჰოლი ბერიმდე მისასვლელად პროდიუსერებმა ეშლი ჯადისა და ფრენსის მაკდორმანდის კანდიდატურა დაიწუნეს.

მიუხედავად იმისა, რომ ტრადიციულად ქალი-კატა ანტაგონისტია, რეჟისორმა და სცენარისტმა ფილმში გმირის ხასიათი და ისტორია შეცვალეს. ფილმიდან ვიგებთ, იმასაც რომ ქალი კატა ხდები იმ შემთხვევაში, თუ ყველაზე კეთილი და ჰუმანური ხარ, ეს ყველაფერი კი სათავეს ეგვიპტიდან იღებს.

ამ ისტორიის ხილვა კი შაბათს, 8 აპრილს 04:45 საათზე, ტელეკომპანია GDS-ზე, Dc Comics-ის სუპერგმირების კოლექციის სეანსების დროს შეგიძლიათ.