მედია მაიძულებს, რომ კონცერტის ტრაგედიაზე პასუხისმგებლობა ავიღო

Astroworld-ის ფესტივალის შემდეგ, რომელმაც 10 ადამიანის სიცოცხლე იმსხვერპლა, ტრევის სკოტმა პირველი ინტერვიუ ჩაწერა, რომელშიც თქვა, რომ მედია აიძულებს ამ ტრაგედიაზე პასუხისმგებლობა აიღოს. "მე ფესტივალის სახე და ხელოვანი ვარ, ამიტომ მედიას სურს ყველაფერი მე დამბრალდეს", — ამბობს სკოტი.

51-წუთიან ინტერვიუში ტრევის სკოტმა ძირითადი ყურადღება იმაზე გაამახვილა, რომ დიდი სურვილი აქვს სამომავლოდ ასეთი ტრაგედია არასდროს განმეორდეს. როცა მომღერალს ჰკითხეს, გრძნობდა თუ არა თავს ტრაგედიაზე პასუხისმგებლად, მან პირდაპირ პასუხს თავი აარიდა და ყურადღება იმაზე გადაიტანა, რომ ის ყველაფერს აკეთებს მომხდარის მიზეზების დასადგენად და ისეთი ნაბიჯების გადადგმაზე ფიქრობს, რაც სამომავლოდ მსგავს სიტუაციას აგვარიდებს.

სკოტმა ასევე ხაზი გაუსვა იმ ფაქტს, რომ კონცერტის მსვლელობისას მას ზუსტი ინფორმაცია არ ჰქონდა იმაზე, რაც სცენის მიღმა ხდებოდა. სკოტს აკრიტიკებენ, რადგან არეულობის მიუხედავად მან გამოსვლა არ შეწყვიტა, რასაც მომღერალი ნანობს, თუმცა ისევ იმას იმეორებს, რომ სიტუაციის სიმძიმის შესახებ არაფერი იცოდა.

იმ ადამიანების შესახებ, რომლებსაც ფესტივალზე ახლობლები დაეღუპათ, სკოტმა თქვა, რომ მათ დასახმარებლად ყოველთვის მზად არის. თუმცა გასული კვირის ინფორმაციით, რამდენიმე ოჯახმა სკოტის ფულად შეთავაზებაზე უარი თქვა, მომღერალმა კი აღნიშნა, რომ მათი გადაწყვეტილების ესმის.

შეგახსენებთ, რომ ტრევის სკოტს კონცერტზე მომხდარი ტრაგედიის გამო რამდენიმე დაზარალებული სასამართლოში უჩივის, მომღერალმა კი ოფიციალურ დოკუმენტებში იურიდიულ პასუხისმგებლობაზე უარი განაცხადა.

ასევე იხილეთ:

ბოლო ამბები:

გირჩევთ

მედია მაიძულებს, რომ კონცერტის ტრაგედიაზე პასუხისმგებლობა ავიღო — ტრევის სკოტი

ასევე იხილეთ:

კომენტარები

კვირის ტოპ-5

გირჩევთ

ახლა კითხულობენ