სადაზღვევო ინდუსტრიაში პირველად ალდაგმა თავისი მომხმარებლებისთვის პერსონალური სადაზღვევო მომსახურება — პრიმო შექმნა. პრიმო ალდაგის ახალი ბრენდია, რომელზეც კომპანიამ ერთი წლის განმავლობაში საერთაშორისო და ქართველ პარტნიორებთან ერთად იმუშავა.

პრიმოს სერვისის ცენტრალური პროდუქტი ავტოდაზღვევაა, თუმცა პრიმოს წევრებისთვის ალდაგს განსხვავებული შეთავაზებები ექნება დაზღვევის სხვა პროდუქტებზეც.

ალდაგის ახალი ბრენდი — პრიმო ქმნის კომფორტისა და პერსონალური ურთიერთობის სივრცეს, რომელიც მთელ რიგ უპირატესობებს მოიცავს:

• პერსონალური მენეჯერის მომსახურება, რომელიც გულისხმობს როგორც ექსკლუზიურ შეთავაზებებს, ისე პერსონალურ მომსახურებასაც ზარალის დროს.
• სერვისის სრულყოფილება, რომელიც არაერთ ხელშესახებ უპირატესობას გთავაზობთ. მათ შორისაა: / საქართველოში ავტორიზებულ ავტოცენტრებში მომსახურება 5 წლის განმავლობაში; ავტომობილის ჩანაცვლების სერვისი; კონსიერჟის მომსახურება; სრული ავტო დახმარება და ა.შ.

"ალდაგისთვის ეს პროექტი არის უმნიშვნელოვანესი, რადგან ვთვლით, რომ ამ სერვისის დანერგვით სადაზღვევო მომსახურების სფერო არსებითად ახალ ეტაპზე გადადის. გვექნება ჩვენს მომხმარებელთან პერსონალური ურთიერთობის შესაძლებლობა, რომელიც მოიცავს სპეციალურად მათზე მორგებულ შეთავაზებებს, განსხვავებულ პირობებს დაზღვევაზე, კონსულტაციის შესაძლებლობას დაზღვევასთან დაკავშირებულ ყველა საკითხზე და დამატებით კომფორტს მთლიანად სადაზღვევო ურთიერთობაში", — განაცხადეს ალდაგში.

პრიმოს მთავარი დაპირება კომფორტი და სიმარტივეა. პრიმოს ბრენდი, კონცეფცია და შეთავაზებების პაკეტები სრულადაა მორგებული ადამიანების თანამედროვე საჭიროებებზე და გულისხმობს ავტომობილზე ზრუნვას არა მხოლოდ სადაზღვევო შემთხვევის დროს, არამედ მუდმივად, როდესაც მომხმარებელს ამის საჭიროება აქვს.

პრიმოს წევრობა თავისთავად გულისხმობს პირადი მენეჯერის ყოლას ალდაგში, რომლის დახმარებითაც მომხმარებელი შეძლებს მიიღოს ის სერვისი, რომელიც მას სჭირდება.

"ალდაგი 31 წელია, რაც სადაზღვევო ბაზარზეა და ის ამ სფეროს ერთ-ერთი ლიდერია, როგორც საცალო, ისე კორპორატიული მიმართულებით. რაც შეეხება ბაზრის განვითარებას, ალდაგი მუდმივად ქმნიდა ახალ პროდუქტებს, ნერგავდა ინოვაციურ მიდგომებს, შემოჰყავდა საერთაშორისო პარტნიორები საქართველოში, რამაც სექტორის განვითარებას შეუწყო ხელი. მხოლოდ გასულ წელს ალდაგმა მომხმარებელს 90 მილიონი ლარი აუნაზღაურა", — აცხადებენ ალდაგში.