უნგრეთის ხელისუფლებამ დაჩქარებული წესით მიიღო ახალი კანონი, რომელიც ცენტრალური ევროპის უნივერსიტეტს დახურვას, ან სხვა ქვეყანაში გადასვლას აიძულებს. ინფორმაციას Reuters ავრცელებს.

ახალი კანონის მიხედვით, ევროკავშირის გარეთ რეგისტრირებული ინსტიტუტებისთვის უნგრეთში დიპლომებისა და აკადემიური ხარისხის გაცემა გართულდა. კანონპროექტს მხარი 123 დეპუტატმა დაუჭირა, 38 კი წინააღდეგი იყო.

პრემიერ-მინისტრი ვიქტორ ორბანი ჯორჯ სოროსის და მისი ფონდი ღია საზოგადოების წინააღმდეგია. მანამდე, იანვარში, ორბანის პარტია სოროსის მიერ დაფინანსებული, მათ შორის, ადამიანის უფლებებსა და გამჭვირვალობაზე მომუშავე არასამთავრობოების ქვეყნიდან გაყრის ინიციატივითაც გამოვიდა. ორბანის განცხადებით, ცენტრალური ევროპის უნივერსიტეტი დიპლომების გაცემის რეგულაციებს არღვევს. ბრალდებას უნივერსიტეტი კატეგორიულად უარყოფს.

ცენტრალური ევროპის უნივერსიტეტის რექტორი, მაილ იგნატიეფი მიმართავს სტუდენტებს მას შემდეგ, რაც უნგრეთის ხელისუფლებამ ახალი კანონი მიიღო.

ფოტო: REUTERS/Bernadett Szabo

ცენტრალური ევროპის უნივერსიტეტი 1991 წელს, კომუნიზმის კოლაფსის შემდეგ, ბუდაპეშტში დაარსდა. ამჟამად უნივერსიტეტში 1 400-მდე სტუდენტი სწავლობს.

2 აპრილს, ბუდაპეშტში, ათასობით სტუდენტმა, პროფესორმა და უნივერსიტეტის მხარდამჭერმა კანონპროექტის საწინააღმდეგო აქცია გამართა.

ინფორმაცია იმის შესახებ, რომ უნგრეთის ხელისუფლება აპირებდა რეგულაციების გამკაცრებას, 29 მარტს გახდა ცნობილი.